കൊച്ചി: മുഖ്യമന്ത്രി മുന് പ്രിന്സിപ്പല് സെക്രട്ടറി എം. ശിവശങ്കറെ റിമാന്ഡ് ചെയ്തു. കടുത്ത ആരോഗ്യപ്രശ്നങ്ങള് ഉണ്ടെന്നും ജാമ്യം വേണമെന്നുമാണ് ശിവശങ്കറിന്റെ ആവശ്യം തള്ളിയാണ് കോടതി ഉത്തരവ്.
ഒന്പത് ദിവസത്തെ ചോദ്യം ചെയ്യല് പൂര്ത്തിയാക്കിയ എന്ഫോഴ്സ്മെന്റ് ശിവശങ്കറിനെ കൂടതല് കസ്റ്റഡിയില് വേണമെന്ന് കോടതിയില് ആവശ്യപ്പെട്ടില്ല. ഇത്രയും ദിവസം ചോദ്യം ചെയ്തെങ്കിലും ശിവശങ്കര് കൃത്യമായ ഉത്തരം നല്കിയില്ലെന്നാണ് അന്വേഷണ ഉദ്യോഗസ്ഥര് നല്കുന്ന വിവരം.
ലൈഫ് മിഷനില് കോഴപ്പണം കൈപ്പറ്റിയെന്ന് ശിവശങ്കര് ചോദ്യം ചെയ്യലിന്റെ ഒരു ഘട്ടത്തിലും സമ്മതിച്ചിട്ടില്ല. സ്വപ്നയുമായി നടത്തിയ വാട്സ് ആപ്പ് ചാറ്റുകള് വ്യക്തിപരമാണെന്നും ലൈഫ് മിഷനുമായി ബന്ധമില്ലെന്നുമാണ് ശിവശങ്കര് മറുപടി നല്കിയത്.