തിരുവനന്തപുരം: അധ്യയന വര്ഷത്തിന് സമാപനം കുറിച്ച് സംസ്ഥാനത്തെ സ്കൂളുകള് നാളെ അടയ്ക്കും. ജൂണ് ഒന്നിന് പുതിയ അധ്യയന വര്ഷം ആരംഭിക്കും. സ്കൂളുകളില് വിവിധ ക്ലാസുകളിലേക്കുള്ള പ്രവേശനവും പരീക്ഷാഫലങ്ങളും സംബന്ധിച്ച കലണ്ടര് മന്ത്രി വി ശിവന് കുട്ടി പ്രഖ്യാപിച്ചു.
ഒന്നാം ക്ലാസ് മുതല് ഒമ്പതാം ക്ലാസ് വരെയുള്ള ഫലപ്രഖ്യാപനം മെയ് രണ്ടിന് നടത്തും. ഒന്നാം ക്ലാസ് പ്രവേശന നടപടികള് ഏപ്രില് 17 ന് ആരംഭിക്കും. മെയ് രണ്ടിന് ശേഷം ടിസി കൊടുത്തുള്ള പ്രവേശനം നടത്തും.
ഈ വര്ഷത്തെ ഹയര് സെക്കന്ഡറി, വൊക്കേഷണല് ഹയര് സെക്കന്ഡറി പരീക്ഷകള് ഇന്ന് അവസാനിക്കും. എസ്എസ്എല്സി പരീക്ഷ ഇന്നലെ അവസാനിച്ചിരുന്നു. എസ്എസ്എല്സി, ഹയര് സെക്കന്ഡറി പരീക്ഷാ ഫലങ്ങള് മെയ് 20 നകം പ്രഖ്യാപിക്കും.
എസ്എസ്എല്സി മൂല്യനിര്ണയം ഏപ്രില് മൂന്നു മുതല് 26 വരെയാണ്. ടാബുലേഷന് ഏപ്രില് അഞ്ചിന് ആരംഭിക്കും. 4,19,554 പേരാണ് ഇത്തവണ കേരളത്തിലും ലക്ഷദ്വീപിലും ഗള്ഫിലുമായി എസ്എസ്എല്സി പരീക്ഷ എഴുതിയത്.