തിരുവനന്തപുരം: അട്ടപ്പാടി മധു കൊലക്കേസില് സര്ക്കാരിന്റെ ഭാഗത്ത് നിന്നും ഗുരുതര വീഴ്ചയുണ്ടായെന്ന് പ്രതിപക്ഷ നേതാവ് വി.ഡി സതീശന്. കേസ് നടത്തിപ്പില് സര്ക്കാരിന് ഗുരുതരമായ വീഴ്ചകളുണ്ടായിട്ടും 14 പ്രതികള് കുറ്റക്കാരാണെന്ന് കണ്ടെത്തിയ കോടതി വിധി കേരളീയ പൊതു സമൂഹത്തിന് സന്തോഷം നല്കുന്നു.
മധുവിന്റെ അമ്മയുടേയും സഹോദരിയുടേയും പോരാട്ട വീര്യവും നിശ്ചയദാര്ഢ്യവും ഈ കേസില് നിര്ണായകമായി.
കേസ് നടത്തിപ്പില് സര്ക്കാരും പ്രോസിക്യൂഷനും പലപ്പോഴും നിസംഗരായിരുന്നു. സാക്ഷികളെ പണം കൊടുത്ത് സ്വാധീനിക്കാന് ശ്രമിച്ചു. മധുവിന്റെ അമ്മയേയും സഹോദരിയേയും പ്രതികളുടെ ബന്ധുക്കള് ഭീഷണിപ്പെടുത്തി. ഇതെല്ലാം നടന്നിട്ടും പൊലീസ് തിരിഞ്ഞു നോക്കിയില്ലെന്നും പ്രതിപക്ഷ നേതാവ് പറഞ്ഞു. ആ കുടുംബത്തെ ഹൃദയത്തോട് ചേര്ത്ത് നിര്ത്തുന്നുവെന്നും വി.ഡി സതീശന് കൂട്ടിച്ചേര്ത്തു.