തിരുവനന്തപുരം: ഈ വര്ഷത്തെ എസ്എസ്എല്സി പരീക്ഷാഫലം വെള്ളിയാഴ്ച്ച പ്രഖ്യാപിക്കും. വെള്ളിയാഴ്ച ഉച്ചകഴിഞ്ഞ് മൂന്നിന് പി.ആര് ചേമ്പറില് നടക്കുന്ന ചടങ്ങില് പൊതുവിദ്യാഭ്യാസ വകുപ്പ് മന്ത്രി വി.ശിവന്കുട്ടിയാണ് പരീക്ഷാഫലം പ്രഖ്യാപിക്കുക. 4,19,554 വിദ്യാര്ഥികളാണ് എസ്.എസ്.എല്.സി പരീക്ഷ എഴുതിയത്.
നേരത്തെ ഈ മാസം 20തിന് പ്രഖ്യാപിക്കുമെന്നായിരുന്നു വിദ്യാഭ്യാസ വകുപ്പ് അറിയിച്ചിരുന്നത്. എന്നാല് മൂല്യനിര്ണയം നേരത്തെ പൂര്ത്തിയായതിനാല് നാളെ തന്നെ ഫലപ്രഖ്യാപനം നടത്താന് വകുപ്പ് തീരുമാനിക്കുകയായിരുന്നു.
പാഠ്യേതര വിഷയങ്ങളില് മികവ് തെളിയിച്ച വിദ്യാര്ഥികള്ക്ക് ഇത്തവണ ഗ്രേസ് മാര്ക്ക് നല്കുമെന്ന് വിദ്യാഭ്യാസമന്ത്രി അറിയിച്ചിരുന്നു. കോവിഡ് മഹാമാരി കാരണം കഴിഞ്ഞ രണ്ട് അധ്യയന വര്ഷങ്ങളിലും ഗ്രേസ് മാര്ക്ക് നല്കിയിരുന്നില്ല. സര്ക്കാരിന്റെ ഔദ്യോഗിക വെബ്സൈറ്റ് മുഖേന ഫലങ്ങള് അറിയുവാന് വിപുലമായ സൗകര്യമാണ് ഇത്തവണയും വിദ്യാഭ്യാസ വകുപ്പ് ഒരുക്കിയിരിക്കുന്നത്. ഇവയൊക്കെയാണ് വെബ്സൈറ്റുകള്: results.nic.in, keralaresults.nic.in, results.itschool.gov.in, result.kite.kerala.gov.in, results.kerala.nic.in, kbpe.org, prd.kerala.gov.in.