തിരുവനന്തപുരം: ഇടവിട്ട് പെയ്യുന്ന മഴ ഡെങ്കിപ്പനി വ്യാപിക്കാന് കാരണമാകുമെന്ന് ആരോഗ്യ വകുപ്പ് മന്ത്രി വീണാ ജോര്ജ്. ശക്തമായ മഴ എലിപ്പനിക്കും കാരണമായതിനാല് ജാഗ്രത കൈവിടരുതെന്നും വീണാ ജോര്ജ് പറഞ്ഞു.
എലിപ്പനി സ്ഥിരീകരിക്കാനുള്ള കാലതാമസം ഒഴിവാക്കാനായി കഴിഞ്ഞ വര്ഷം മുതല് ആര്ടിപിസിആര് പരിശോധന ഏര്പ്പെടുത്തി. മണിക്കൂറുകള്ക്കകം തന്നെ എലിപ്പനി ഉണ്ടോയെന്ന് അറിയാന് സാധിക്കുകയും ആവശ്യമെങ്കില് വേഗത്തില് ചികില്സ തുടങ്ങാനും സാധിക്കുമെന്നും മന്ത്രി പറഞ്ഞു.
പകര്ച്ചപ്പനിയുമായി ബന്ധപ്പെട്ട് മെയ് മാസത്തില് തന്നെ ജാഗ്രതാ നിര്ദേശം നല്കിയിരുന്നു. തയാറെടുപ്പുകളുടെ ഭാഗമായി ജൂണ് രണ്ടിന് തന്നെ സംസ്ഥാനത്ത് പനി ക്ലിനിക്ക് ആരംഭിച്ചു. ആവശ്യമായ മരുന്ന് ആശുപത്രികളില് ലഭ്യമാക്കുന്നതിനായി ക്രമീകരണങ്ങള് അടിയന്തിരമായി പൂര്ത്തിയാക്കുന്നു. കൂടാതെ, ജില്ലകളില് ഡിഎംഒമാരോടും നേരിട്ട് തന്നെ ഇടപെടല് നടത്തി ആവശ്യമായ ക്രമീകരണം ഒരുക്കാന് നിര്ദേശിച്ചിട്ടുണ്ടെന്നും മന്ത്രി കൂട്ടിച്ചേര്ത്തു.