പൂന്നൈ: കോവിഡിന്റെ ഒമിക്രോൺ വേരിയന്റിനെതിരെയുള്ള ആദ്യ എംആർഎൻഎ വാക്സിൻ പുറത്തിറക്കി. പൂന്നൈ ആസ്ഥാനമായി പ്രവർത്തിക്കുന്ന ജെന്നോവ ബയോ ഫാർമസ്യൂട്ടിക്കൽസാണ് വാക്സിൻ വികസിപ്പിച്ചത്.
കഴിഞ്ഞ ദിവസം വാക്‌സിന് ഡ്രഗ്‌സ് കൺട്രോളർ അനുമതി നൽകിയിരുന്നു. ഇന്ത്യ തദ്ദേശീയമായി നിർമ്മിച്ചതാണ് ജെംകോവാക്‌സ്-ഒഎം എന്ന് അറിയപ്പെടുന്ന ഈ വാക്സിൻ.
രണ്ട് ഡോസ് കോവാക്സിൻ അല്ലെങ്കിൽ കോവിഷീൽഡ് സ്വീകരിച്ച വ്യക്തികൾക്ക് ജെംകോവാക്-ഒഎം ബൂസ്റ്റർ വാക്സിൻ നൽകാം. വാക്സിൻ രണ്ട് മുതൽ എട്ട് ഡിഗ്രി സെന്റിഗ്രേഡിൽ വരെ സൂക്ഷിക്കാം. ഇന്ത്യയിലെ 13 നഗരങ്ങളിലായി 20 കേന്ദ്രങ്ങളിൽ നടത്തിയ മൂന്നാം ഘട്ട ക്ലിനിക്കൽ പരീക്ഷണങ്ങളിൽ ഇത് ശക്തമായ രോഗപ്രതിരോധ പ്രതികരണങ്ങൾ പ്രകടമാക്കി.