കൊച്ചി: മിച്ചഭൂമി കേസില് സിപിഎം നേതാവും എംഎല്എയുമായ പി.വി അന്വറിന് തിരിച്ചടി. കോടതിയലക്ഷ്യ ഹര്ജിയില് ഹൈക്കോടതി ഇടപെടല്. സാവകാശം വേണമെന്ന സര്ക്കാര് ആവശ്യം ഹൈക്കോടതി തള്ളുകയായിരുന്നു.
പി.വി അന്വറിന്റെ അനധികൃത ഭൂമി തിരിച്ചുപിടിക്കണമെന്ന് ഹൈക്കോടതി അറിയിച്ചു. ഇന്ന് കോടതിയലക്ഷ്യ ഹര്ജി പരിഗണിച്ചപ്പോള് കുറഞ്ഞത് 10 ദിവസമെങ്കിലും നടപടി റിപ്പോര്ട്ട് നല്കാന് സാവകാശം വേണമെന്ന് സര്ക്കാര് വീണ്ടും ആവശ്യപ്പെട്ടു.
എന്നാല് മിച്ചഭൂമി തിരിച്ചുപിടിക്കാന് സ്വീകരിച്ച നടപടികള് ഉള്പ്പെടുത്തി അടുത്ത ചൊവ്വാഴ്ചയ്ക്കകം വിശദമായ സത്യാവങ്മൂലം നല്കണമെന്ന് ജസ്റ്റിസ് രാജ വിജയരാഘവന് സര്ക്കാറിന് നിര്ദേശം നല്കുകയായിരുന്നു. മലപ്പുറം ജില്ലാ വിവരാവകാശ കൂട്ടായ്മ കോ-ഓര്ഡിനേറ്ററുമായ കെ.വി. ഷാജി സമര്പ്പിച്ച കോടതിയലക്ഷ്യ ഹര്ജിയിലാണ് നടപടി.