മുംബൈ: എക്സ്പ്രസ് ഹൈവേ നിർമാണത്തിനിടെ കൂറ്റൻ യന്ത്രം തകർന്ന് വീണ് 15 തൊഴിലാളികൾ മരിച്ചു. മൂന്ന് പേർക്ക് പരിക്കേറ്റു. താനെയ്ക്ക് സമീപം ഷാഹ്പുരിൽ ചൊവാഴ്ച്ച പുലർച്ചെയോടെയായിരുന്നു അപകടം.
സമൃദ്ധി എക്സ്പ്രസ് ഹൈവേ നിർമാണത്തിനിടെയാണ് ദാരുണ സംഭവം. ഹൈവേയുടെ മൂന്നാം ഘട്ട നിർമാണത്തിനായി എത്തിച്ച ഗർഡർ ലോഞ്ചിങ് മെഷീനാണ് തകർന്ന് വീണത്.
അവശിഷ്ടങ്ങൾക്കിടയിൽ കൂടുതൽ പേർ കുടുങ്ങിയിട്ടുണ്ടെന്ന് സംശയമുണ്ട്. ദേശീയ ദുരന്തനിവാര സേനയും അഗ്നിരക്ഷാസേനയും ചേർന്നാണ് രക്ഷാപ്രവർത്തനം നടത്തുന്നത്.