തിരുവനന്തപുരം: ബംഗളൂരുവിലേക്കു തിരുവനന്തപുരത്തു നിന്ന് സ്പൈസ് ജെറ്റ് കൂടുതല്‍ സര്‍വീസുകള്‍ ആരംഭിക്കുന്നു. ഒക്ടോബര്‍ 10 മുതല്‍ ആഴ്ചയില്‍ രണ്ടു സര്‍വീസുകളാണ് പുതുതായി തുടങ്ങുന്നത്.
നിലവില്‍ സ്പൈസ് ജെറ്റിന് തിരുവനന്തപുരം-ബംഗളൂരു റൂട്ടില്‍ ശനിയാഴ്ചകളില്‍ മാത്രമാണ് സര്‍വീസ്. ചൊവ്വ, വ്യാഴം ദിവസങ്ങളിലാണ് പുതിയ സര്‍വീസുകള്‍ വരുന്നത്. രാവിലെ 5:50ന് ബാഗളൂരുവില്‍ നിന്ന് പുറപ്പെട്ട് 7:25ന് തിരുവനന്തപുരത്ത് എത്തും. തിരികെ 8:05ന് പുറപ്പെട്ട് 9:40ന് ബംഗളൂരുവിലെത്തും. ശനിയാഴ്ചകളില്‍ രാത്രി 10:15ന് തിരുവനന്തപുരത്തെത്തി 10:35ന് തിരിച്ചുപോകും.
ഈ റൂട്ടില്‍ ഇന്‍ഡിഗോ എയര്‍ലൈന്‍സ് ദിവസേന നാല് സര്‍വീസുകള്‍ നടത്തുന്നുണ്ട്.