തിരുവനന്തപുരം: വയനാട് ജില്ലകളിലെ വവ്വാലുകളില്‍ നിപ വൈറസ് സാന്നിധ്യം സ്ഥിരീകരിച്ചതായി ഇന്ത്യന്‍ മെഡിക്കല്‍ ഗവേഷണ കൗണ്‍സില്‍ (ഐ.സി.എം.ആര്‍) അറിയിച്ചു. ബത്തേരി, മാനന്തവാടി മേഖലകളിലെ വവ്വാലുകളിലാണ് വൈറസ് സാന്നിധ്യം സ്ഥിരീകരിച്ചതെന്ന് ഐ.സി.എം.ആര്‍ അറിയിച്ചതായി ആരോഗ്യ മന്ത്രി വീണാ ജോര്‍ജ്.
കോഴിക്കോട് മരുതോങ്കരയില്‍ നിപ ആന്റിബോഡി കണ്ടെത്തിയതായും ഐ.സി.എം.ആര്‍ അറിയിച്ചിട്ടുണ്ടെന്ന് ആരോഗ്യ മന്ത്രി പറഞ്ഞു. ശേഖരിച്ച 57 സാമ്പിളുകളില്‍ 12 എണ്ണത്തിലാണ് ആന്റിബോഡി സ്ഥിരീകരിച്ചത്.
കോഴിക്കോടിന് പുറമേ കേരളത്തിലെ വിവിധ ജില്ലകളില്‍ നിന്ന് വവ്വാലുകളുടെ സാമ്പിളുകള്‍ ശേഖരിച്ച് പരിശോധിക്കുന്നത് ഐ.സി.എം.ആര്‍ വര്‍ധിപ്പിച്ചിട്ടുണ്ട്. അതിന്റെ ഭാഗമായാണ് വയനാട്ടില്‍ നിന്നും സാമ്പിള്‍ ശേഖരിച്ചത്. കേരളത്തിലെ മറ്റ് സ്ഥലങ്ങളിലെന്ന പോലെ വയനാട്ടിലും കോഴിക്കോടും പ്രവര്‍ത്തനങ്ങള്‍ കൃത്യമായി ജോയിപ്പിച്ച് മുന്നോട്ടു പോകും.