തിരുവനന്തപുരം: ഇന്ന് കേരള തീരത്തും തെക്കന് കര്ണാടക തീരങ്ങളിലും നാളെ ലക്ഷദ്വീപ് തീരത്തും മണിക്കൂറില് 40 മുതല് 45 കിലോമീറ്റര് വരെയും ചില അവസരങ്ങളില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുണ്ടെന്നു കേന്ദ്ര കാലാവസ്ഥ വകുപ്പ് അറിയിച്ചു.
ഈ സാഹചര്യത്തില് കേരള -കര്ണാടക -ലക്ഷദ്വീപ് തീരങ്ങളില് മത്സ്യബന്ധനത്തിന് പോകരുതെന്ന് അറിയിപ്പില് പറയുന്നു.
ഈ മാസം ഏഴിന് മധ്യ കിഴക്ക് അതിനോട് ചേര്ന്ന തെക്ക് കിഴക്കന് അറബിക്കടലിലും എട്ട്, ഒന്പത് തീയതികളില് മധ്യ കിഴക്കന് അറബിക്കടലിലും മണിക്കൂറില് 40 മുതല് 45 കിലോമീറ്റര് വരെയും ചില അവസരങ്ങളില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥയ്ക്കും സാധ്യതയുള്ളതിനാല് മുന്നറിയിപ്പുള്ള പ്രദേശങ്ങളില് ഈ ദിവസങ്ങളില് മത്സ്യബന്ധനത്തിന് പോകരുതെന്ന് കേന്ദ്ര കാലാവസ്ഥ വകുപ്പ് അറിയിച്ചു.