ന്യൂഓര്‍ലിയന്‍സ്: യുഎസിലെ ന്യൂഓര്‍ലിയന്‍സില്‍ പുതുവര്‍ഷാ ആഘോഷത്തിനിടെ 10 പേര്‍ കൊല്ലപ്പെട്ടു. ജനക്കൂട്ടത്തിലേക്ക് ട്രക്ക് ഓടിച്ചുകയറ്റി ആക്രമണം നടത്തുകയായിരുന്നു. ആക്രമണത്തില്‍ 30 പേര്‍ക്ക് പരുക്കേറ്റു. ഓര്‍ലിയന്‍സിലെ ഫ്രഞ്ച് ക്വാര്‍ട്ടറില്‍ തിരക്കേറിയ ബര്‍ബന്‍ സ്ട്രീറ്റില്‍ പുലര്‍ച്ചെ 3.15 നാണ് സംഭവം.
ജനക്കൂട്ടത്തിലേക്കു ട്രക്ക് ഓടിച്ചുകയറ്റിയ ഡ്രൈവര്‍ പിന്നീട് പൊലീസുമായി നടത്തിയ വെടിവയ്പില്‍ കൊല്ലപ്പെട്ടു. സംഭവസ്ഥലത്ത് നിന്നും സ്‌ഫോടകവസ്തു കണ്ടെടുത്തിട്ടുണ്ട്. പരമാവധി ആളുകളെ കൊല്ലുക എന്ന ലക്ഷ്യത്തോടെയാണ് വാഹനം ഓടിച്ചുകയറ്റിയതെന്ന് പൊലീസ് വ്യക്തമാക്കി. സംഭവം ഭീകരാക്രമണമാണെന്ന് എഫ്ബിഐ പറഞ്ഞു.