സിഡ്നി: ഓസ്ട്രേലിയയിലെ ഇന്ത്യന്‍ കോണ്‍സുലേറ്റ് സംഘടിപ്പിച്ച സ്വാതന്ത്ര്യ ദിനാഘോഷം തടസപ്പെടുത്തി ഖാലിസ്ഥാന്‍ അനുകൂലികള്‍.
മെല്‍ബണിലെ കോണ്‍സുല്‍ ജനറല്‍ ഓഫീസിലെ സ്വാതന്ത്ര്യ ദിനാഘോഷത്തിനിടെയാണ് ഖാലിസ്ഥാന്‍ അനുകൂലികളായ ചിലര്‍ ഇവിടെയെത്തി പ്രശ്നങ്ങളുണ്ടാക്കിയത്. ഇതിന്റെ വീഡിയോ ദൃശ്യങ്ങളും പുറത്തു വന്നിട്ടുണ്ട്.
കോണ്‍സുലേറ്റ് ഓഫീസില്‍ ഇന്ത്യക്കാരുടെ സ്വാതന്ത്ര്യ ദിനാഘോഷം നടക്കുന്നതിനിടെ ഖാലിസ്ഥാന്‍ അനുകൂലികള്‍ മുദ്രാവാക്യം മുഴക്കി ഓഫീസിന് മുന്നിലെത്തി.
തുടര്‍ന്ന് ഇരുവിഭാഗങ്ങളും തമ്മില്‍ ഓഫീസ് വളപ്പില്‍ വെച്ച് വാക്കേറ്റവുമുണ്ടായി. ഉടന്‍ പോലീസ് എത്തിയാണ് രംഗം ശാന്തമാക്കിയത്.