സ്റ്റോക്കോം: 2025 ലെ സാഹിത്യ നൊബേൽ കരസ്ഥമാക്കി ഹംഗേറിയൻ എഴുത്തുകാരൻ ലാസ്ലോ ക്രാസ്നഹോര്‍ക്കൈ. സാഹിത്യത്തിലെ ആധുനികതയുടെ വക്താക്കളിൽ പ്രധാനിയാണ് ലാസ്ലോ. 2015-ൽ അദേഹത്തിൻ്റെ സതാന്താങ്കോ എന്ന നോവലിന് മാൻ ബുക്കർ സമ്മാനം ലഭിച്ചിരുന്നു. 2018 ലെ ബുക്കർ പുരസ്കാരത്തിനുള്ള അന്തിമ പട്ടികയിൽ ലാസ്ലോയുടെ ‘ദ വേൾഡ് ഗോസ് ഓൺ’ എന്ന കൃതി ഉൾപ്പെട്ടിരുന്നു.
1954 ൽ തെക്ക് കിഴക്കൻ ഹംഗറിയിലെ ഗ്യൂലയിൽ ജനനിച്ച ലാസ്ലോ 1985ലാണ് ആദ്യ നോവലായ സതാന്താങ്കോ പ്രസിദ്ധീകരിച്ചത്. ടൂറിൻ കുതിര, വടക്ക് ഒരു പർവതം, തെക്ക് ഒരു തടാകം, പടിഞ്ഞാറ് പാതകൾ, കിഴക്ക് ഒരു നദി തുടങ്ങി ഒട്ടേറെ കൃതികൾ രചിച്ചിട്ടുണ്ട്.
2024 ൽ സാഹിത്യ നൊബേൽ ലഭിച്ചത് ദക്ഷിണ കൊറിയൻ സാഹിത്യകാരിയായ ഹാൻ കാങ്ങിനാണ്. 2025 ലെ വൈദ്യശാസ്ത്രം, ഭൗതികശാസ്ത്രം, രസതന്ത്ര നൊബേലുകള്‍ കഴിഞ്ഞ ദിവസങ്ങളിലായി പ്രഖ്യാപിച്ചിരുന്നു.