ന്യൂയോര്‍ക്ക്: മെക്സിക്കോയിലെ ഇസ്രായേല്‍ അംബാസഡര്‍ ഐനാറ്റ് ക്രാന്‍സ് നൈഗറിനെ വധിക്കാന്‍ ഇറാന്‍ പദ്ധതിയിട്ടിരുന്നതായി അമേരിക്കന്‍ ഉദ്യോഗസ്ഥന്‍. ശ്രമം മെക്സിക്കന്‍ സുരക്ഷാ വിഭാഗം പരാജയപ്പെടുത്തിയതായി ഉദ്യോഗസ്ഥന്‍ ആക്സിയോസിനോട് വ്യക്തമാക്കി.
2024 അവസാനത്തോടെയാണ് ഇസ്ലാമിക് റെവല്യൂഷണറി ഗാര്‍ഡിലെ ഉന്നതരായ ഖുദ്സ് ഫോഴ്സ് ഗുഢാലോചനക്ക് തുടക്കമിട്ടതെന്നും ഈ വര്‍ഷം അത് തടഞ്ഞെന്നുമാണ് യു.എസ് ഉദ്യോഗസ്ഥന്റെ വെളിപ്പെടുത്തല്‍. ലാറ്റിനമേരിക്കയില്‍ ഉടനീളമുള്ള ഇറാനിയന്‍ ഏജന്റുമാരെ റിക്രൂട്ട് ചെയ്യുന്നതിനായി വെനിസ്വേലയിലെ ഇറാനിയന്‍ എംബസിയില്‍ വര്‍ഷങ്ങളോളം ചെലവഴിച്ച ഐആര്‍ജിസിയുടെ യൂണിറ്റില്‍ നിന്നുള്ള ഒരു പ്രവര്‍ത്തകനാണ് ഇതിന് നേതൃത്വം നല്‍കിയതെന്നും ആക്സിയോസ് റിപ്പോര്‍ട്ട് ചെയ്തു.
ആ ഗൂഢാലോചന പരാജയപ്പെടുത്തിയെന്നും നിലവില്‍ ഭീഷണി ഉയര്‍ത്തുന്നില്ലെന്നും യു.എസ് ഉദ്യോഗസ്ഥന്‍ പേര് വെളിപ്പെടുത്തരുതെന്ന നിബന്ധനയോടെ എഎഫ്പിയോട് വ്യക്തമാക്കുകയായിരുന്നു.