ബ്രിസ്ബെയ്ന്: ഓസ്ട്രേലിയയിലെ ക്വീന്സ്ലന്ഡില് ഉണ്ടായ വാഹനാപകടത്തില് മലയാളി വിദ്യാര്ഥി മരിച്ചു. ജൈഡന് ജോ സാനി (17) ആണ് മരിച്ചത്. ക്വീന്സ്ലന്ഡിലെ ലാസീ ക്രീക്കില് ജൂലൈ 12 ന് ഉച്ചയോടെയായിരുന്നു അപകടം. ജൈഡന് സഞ്ചരിച്ചിരുന്ന ഇലക്ട്രിക് ബൈക്ക് എതിര്ദിശയില് വന്ന കാറുമായി കൂട്ടിയിടിക്കുകയായിരുന്നു.
ഗുരുതരമായി പരുക്കേറ്റ വിദ്യാര്ഥിയെ എയര് ആംബുലന്സില് റോയല് ബ്രിസ്ബെയ്ന് ആന്ഡ് വിമന്സ് ആശുപത്രിയില് എത്തിച്ചെങ്കിലും ചികിത്സയ്ക്കിടെ മരണത്തിന് കീഴടങ്ങി. മാതാപിതാക്കള്: ജോ സാനി, ട്രീസ സിജോ. അപകടത്തില് ക്വീന്സ്ലന്ഡ് പൊലീസ് അന്വേഷണം ആരംഭിച്ചിട്ടുണ്ട്.