പനാജി: പ്രശസ്ത നടന്‍ നാനാ പടേക്കര്‍ (75) അന്തരിച്ചു. ഹൃദയാഘാതത്തെ തുടര്‍ന്ന് ഗോവയിലെ സ്വകാര്യ ആശുപത്രിയിലായിരുന്നു അന്ത്യം. ഡോണ പൗളയിലുള്ള സ്വന്തം വീട്ടില്‍ ബോധ രഹിതനായി കണ്ടെത്തിയ അദ്ദേഹത്തെ ഉടന്‍ അടുത്തുള്ള ആശുപത്രിയില്‍ എത്തിച്ചെങ്കിലും ഇന്ന് രാവിലെ 5.20 ഓടെ മരണം സ്ഥിരീകരിച്ചു.
തമിഴ്, ഹിന്ദി, മറാത്തി സിനിമകളില്‍ അഭിനയിച്ച നാനാ പടേക്കറിന് മൂന്ന് ദേശീയ ചലച്ചിത്ര പുരസ്‌കാരങ്ങള്‍ ലഭിച്ചിട്ടുണ്ട്. സിനിമയ്ക്ക് പുറമെ മഹാരാഷ്ട്രയിലെ കര്‍ഷകരുടെ ദുരിതാശ്വാസ പ്രവര്‍ത്തനങ്ങളിലും പങ്കാളിയായിരുന്നു. 2013 ല്‍ പത്മശ്രീ നല്‍കി രാജ്യം ആദരിച്ചു.
മഹാരാഷ്ട്രയിലെ കര്‍ഷകരുടെ ആത്മഹത്യയും വന്‍ വരള്‍ച്ചയും കണ്ട് 2015 ല്‍ അദ്ദേഹം നാം ഫൗണ്ടേഷന്‍ സ്ഥാപിച്ചു. ഇതിലൂടെ ദുരിത ബാധിതരായ ആയിരക്കണക്കിന് കര്‍ഷക കുടുംബങ്ങള്‍ക്ക് സാമ്പത്തിക സഹായം നല്‍കി.
1951 ജനുവരി ഒന്നിന് മഹാരാഷ്ട്രയില്‍ ജനിച്ച അദ്ദേഹത്തിന്റെ സിനിമാ ജീവിതം അഞ്ച് പതിറ്റാണ്ടോളം നീണ്ടു. 1978 ല്‍ പുറത്തിറങ്ങിയ 'ഗമന്‍' എന്ന ചിത്രത്തിലൂടെയാണ് നാനാ പടേക്കര്‍ അഭിനയരംഗത്തേക്ക് കടന്നു വന്നത്.
'പരിന്ദ', 'അങ്കുഷ്', 'ക്രാന്തിവീര്‍', ' അഗ്‌നി സാക്ഷി', 'അബ് തക് ഛപ്പന്‍', 'നടസമ്രാട്ട്', വെല്‍ക്കം' തുടങ്ങിയ ചിത്രങ്ങളിലെ ഗംഭീര പ്രകടനത്തിലൂടെ വന്‍ ജനപ്രീതി നേടി. നടന്‍ രജനികാന്തിനൊപ്പം 'കാല' എന്ന തമിഴ് ചിത്രത്തിലും നാനാ പടേക്കര്‍ അഭിനയിച്ചിട്ടുണ്ട്.
1951 ജനുവരി ഒന്നിന് മഹാരാഷ്ട്രയിലെ റായ്ഗഡ് ജില്ലയിലായിരുന്നു ജനനം. വിശ്വനാഥ് പടേക്കര്‍ എന്നാണ് യഥാര്‍ത്ഥ പേര്. നീലകണ്ഠി പടേക്കറാണ് ഭാര്യ. മകന്‍: മല്‍ഹാര്‍ പടേക്കര്‍.