ചിക്കാഗോ: ചിക്കാഗോ കത്തീഡ്രൽ ദേവാലയത്തിലെ ഈ വർഷത്തെ നോമ്പുകാല ധ്യാനം ബിഷപ് മാർ തോമസ് തറയിൽ നയിക്കും. മാർച്ച് 31 വ്യാഴാഴ്ച്ച ആരംഭിക്കുന്ന ധ്യാനം ഏപ്രിൽ 2 ശനിയാഴ്ച അവസാനിക്കും. മാർച്ച് 31 വ്യാഴം, ഏപ്രിൽ 1 വെള്ളി എന്നീ ദിവസങ്ങളിൽ വൈകുന്നേരം ആറര മുതൽ ഒൻപതര വരെയും ഏപ്രിൽ രണ്ട് ശനിയാഴ്ച രാവിലെ എട്ടര തുടങ്ങി വൈകുന്നേരം അഞ്ചര വരെയുമായിരിക്കും ധ്യാനം. ഏപ്രിൽ 3 ഞായറാഴ്ച ഉച്ചകഴിഞ്ഞ് ഒന്നര മുതൽ മൂന്നര വരെ മതാധ്യാപകർക്കായി പ്രത്യേക ധ്യാനവും ഉണ്ടായിരിക്കും.
കഴിഞ്ഞ രണ്ട് വർഷങ്ങളിലും കോവിഡ് നിയന്ത്രണങ്ങളാൽ ഓൺലൈൻ ധ്യാനങ്ങളായിരുന്നു നടത്തിയിരുന്നത്. രണ്ട് വർഷത്തിന് ശേഷം നേരിട്ട് ധ്യാനത്തിൽ പങ്കെടുക്കാനുള്ള ഒരവസരമാണ്ഏവർക്കും ലഭിച്ചിരിക്കുന്നത്.