ന്യൂഡൽഹി: നടിയെ ആക്രമിച്ച കേസില് വിചാരണയ്ക്ക് കൂടുതല് സമയം അനുവദിച്ച് സുപ്രീം കോടതി അഞ്ച് മാസം കൂടി സമയമാണ് നീട്ടി നല്കിയത്. ജനുവരി 31വരെയാണ് സമയം അനുവദിച്ചത്.
വിചാരണ പൂർത്തിയാക്കി വിധി പ്രസ്താവിക്കാൻ കൂടുതൽ സമയം തേടി ജഡ്ജി ഹണി എം.വർഗീസ് സുപ്രീം കോടതിയെ സമീപിച്ചിരുന്നു. ആറ് മാസം കൂടിയാണ് സമയം തേടിയത്.
ഹർജി പരിഗണിച്ച ജസ്റ്റിസ് ദിനേശ് മഹേശ്വരിയും ജസ്റ്റിസ് ബേല എം.ത്രിവേദിയും ഉൾപ്പെട്ട ബെഞ്ചാണ് വിചാരണ പൂർത്തിയാക്കാൻ കൂടുതൽ സമയം അനുവദിച്ചത്. വിചാരണ സമയബന്ധിയതമായി പൂർത്തിക്കാൻ എല്ലാവരും സഹകരിക്കണമെന്ന് കോടതി ആവശ്യപ്പെട്ടു.