കോട്ടയം: കോട്ടയം ഏറ്റുമാനൂരില് ഏഴുപേരെ കടിച്ച നായയ്ക്ക് പേവിഷബാധ സ്ഥിരീകരിച്ചു. തിരുവല്ലയിലെ മൃഗാശുപത്രിയില് നടത്തിയ പരിശോധനയിലാണ് സ്ഥിരീകരണം. സെപ്റ്റംബര് 28നാണ് ഏറ്റുമാനൂര് നഗരത്തില് തെരുവുനായ ആളുകളെ ആക്രമിച്ചത്. തുടര്ന്ന് മൃഗസംരക്ഷണ വകുപ്പിന്റെ സംരക്ഷണയിലുണ്ടായിരുന്ന നായ കഴിഞ്ഞ ദിവസം ചത്തു.
ഇതര സംസ്ഥാന തൊഴിലാളി, വിദ്യാര്ഥി, ബസ് കാത്തു നിന്ന യാത്രക്കാരി, ലോട്ടറി വിതരണക്കാരന് അടക്കം ഏഴുപേര്ക്കായിരുന്നു നായയുടെ കടിയേറ്റത്. ആരുടേയും പരിക്ക് ഗുരുതരമല്ല. ഇവര് കോട്ടയം മെഡിക്കല് കോളജില് നിന്നും വാക്സിന് സ്വീകരിച്ച് വീടുകളില് നിരീക്ഷണത്തില് കഴിയുകയാണ്.
കഴിഞ്ഞ ദിവസമാണ് നായ ചത്തത്. നായയുടെ സ്രവപരിശോധനാ ഫലത്തിലാണ് പേവിഷബാധ സ്ഥിരീകരിച്ചത്.