അമേരിക്ക: ഓക്സ്ഫഡ് സര്‍വകലാശാലയുമായി ചേര്‍ന്ന് അസ്ട്രസെനക ഉത്പാദിപ്പിക്കുന്ന കോവിഡ് വാക്സിന് വിജയകരമെന്ന്‌ റിപ്പോര്‍ട്ടുകള്‍. മുതിര്‍ന്നവരിലും വാക്സിന് രോഗപ്രതിരോധ ശേഷി സൃഷ്ടിക്കുന്നതായി കണ്ടെത്തിയിട്ടുണ്ട്. ആഴ്ചകള്‍ക്കുള്ളില്‍ അവസാനഘട്ട പരീക്ഷണത്തിന്റെ സുപ്രധാന ഫലം പുറത്തുവരുമെന്നാണ് പ്രതീക്ഷിക്കുന്നത്.
560 പേരിലാണ് വാക്സിന് പരീക്ഷിച്ചിരുന്നത്. മൂന്നാംഘട്ട പരീക്ഷണത്തില്‍ 95% ഫലപ്രദമെന്ന് കണ്ടെത്തിയ ഫൈസറിന്റെ വാക്സിന് ഒപ്പമെത്താന്‍ ആസ്ട്ര-ഓക്സ്ഫോര്‍ഡ് വാക്സിന് കഴിയുമോ എന്ന് അവസാനഘട്ട പരീക്ഷണ ഫലങ്ങള്‍ ലഭിച്ചതിനു ശേഷമേ പറയാൻ സാധിക്കുകയുള്ളു. മറ്റൊരു അമേരിക്കന്‍ കമ്പനിയായ മൊഡേണയുടെ വാക്സിനും അവസാനഘട്ടത്തിലാണ്.