ഡല്‍ഹി: ഈ വര്‍ഷത്തെ നാലാമത്തെയും അവസാനത്തെയും ചന്ദ്രഗ്രഹണം ഈ മാസം 30ന്. ഈ ചന്ദ്രഗ്രഹണം ഒരു നിഴല്‍ ഗ്രഹണമായിരിക്കും. നവംബര്‍ 30ന് ഉച്ചയ്ക്ക് 1.40ന് ആരംഭിക്കുന്ന ഗ്രഹണം 3.13-നാണ് പൂർണമായും കാണാൻ സാധിക്കുക. ഗ്രഹണം വൈകുന്നേരം 5.22ന് അവസാനിക്കും. മുന്‍ ചന്ദ്രഗ്രഹണത്തെ അപേക്ഷിച്ച്‌ ഇത്തവണത്തെ ഗ്രഹണത്തിന്റെ ദൈര്‍ഘ്യം രണ്ട് മണിക്കൂറും 45 മിനിട്ടും ഗ്രഹണം നീണ്ടുനില്‍ക്കുന്നതാണ്. ഏറെ പ്രത്യേകതകളുള്ള കാര്‍ത്തിക പൗര്‍ണമി ദിനത്തിലാണ് ഈ വര്‍ഷത്തെ ചന്ദ്രഗ്രഹണം എന്ന പ്രത്യേകതയും ഉണ്ട്. 2020 ലെ അവസാന ചന്ദ്രഗ്രഹണം ഏഷ്യയുടെ ചില ഭാഗങ്ങള്‍, ഓസ്ട്രേലിയ, പസഫിക് സമുദ്രം, അമേരിക്കയുടെ ചില ഭാഗങ്ങള്‍ എന്നിവിടങ്ങളിലാണ് ഏറ്റവും നന്നായി ദൃശ്യമാകുകയെന്നും ഇന്ത്യയില്‍ ദൃശ്യമാകില്ല എന്നുമാണ് ജ്യോതി ശാസ്ത്രഞ്ജർ അറിയിച്ചത്.