ലണ്ടൻ: ദരിദ്രരാജ്യങ്ങളിലെ ഭൂരിപക്ഷത്തിനും അടുത്ത വർഷം കോവിഡ് വാക്സിൻ ലഭിക്കില്ല. പാശ്ചാത്യ രാജ്യങ്ങൾ വിപണിയിലെ കോവിഡ് വാക്സിനുകളുടെ സിംഹഭാഗവും വാങ്ങുന്നതിനാൽ ദരിദ്ര രാജ്യങ്ങളിലെ പത്തിൽ ഒമ്പത് പേരും കുത്തിവയ്പ്പ് ഒഴിവാക്കുന്നു.
താഴ്ന്ന വരുമാനമുള്ള 70 രാജ്യങ്ങളിലെ 10 പേരിൽ 9 പേർക്കും അടുത്ത വർഷം കോവിഡ് -19 നെ പ്രതിരോധ കുത്തിവയ്പ്പ് നടത്താൻ സാധ്യതയില്ല, കാരണം ലഭ്യമാകുമെന്ന് പ്രതീക്ഷിക്കുന്ന വാക്സിനുകളിൽ ഭൂരിഭാഗവും പാശ്ചാത്യ രാജ്യങ്ങൾ കയ്യടക്കി വച്ചിരിക്കുകയാണ്.
യുകെയിൽ പ്രതിരോധ കുത്തിവയ്പ് ലഭിച്ചു തുടങ്ങുമ്പോൾ , സമ്പന്ന രാജ്യങ്ങളുടെ ഗവൺമെന്റുകൾ നടത്തുന്ന വാക്സിൻ ഡീലുകൾ പാവപ്പെട്ടവരെ വാക്സിൻ ലഭ്യതയിൽ നിന്നും നിന്ന് ഒഴിവാക്കുമെന്ന് പീപ്പിൾസ് വാക്സിൻ അലയൻസ് മുന്നറിയിപ്പ് നൽകുന്നു. ലോക ജനസംഖ്യയുടെ 14% ഉള്ള സമ്പന്ന രാജ്യങ്ങൾ ഏറ്റവും പ്രതീക്ഷ നൽകുന്ന വാക്സിനുകളുടെ 53% നേടി.
കാനഡ മറ്റേതൊരു ജനതയേക്കാളും കൂടുതൽ ഡോസുകൾ വാങ്ങിയിട്ടുണ്ട്.- ഓരോ കനേഡിയനും അഞ്ച് തവണ വാക്സിനേഷൻ നൽകാൻ പര്യാപ്തമാണ് ക്യാനഡയുടെ വാക്സിൻ ശേഖരമെന്ന് ആംനസ്റ്റി ഇന്റർനാഷണൽ, ഫ്രണ്ട് ലൈൻ എയ്ഡ്സ്, ഗ്ലോബൽ ജസ്റ്റിസ് നൗ, ഓക്സ്ഫാം എന്നിവ ഉൾപ്പെടുന്ന സഖ്യം പറഞ്ഞു.
കഴിഞ്ഞയാഴ്ച യുകെയിൽ അംഗീകരിച്ച ഫൈസർ / ബയോടെക് വാക്സിൻ മിക്കവാറും പൂർണ്ണമായി സമ്പന്ന രാജ്യങ്ങളിലേക്കു പോകും - 96ശതമാനം ഡോസുകൾ പാശ്ചാത്യ രാജ്യങ്ങൾ വാങ്ങിയിട്ടുണ്ട്. ഇത് മാത്രമല്ല മോഡേണ വാക്സിനും സമ്പന്ന രാജ്യങ്ങളിലേക്ക് പോകുന്നു. രണ്ട് വാക്സിനുകളുടെയും വില ഉയർന്നതിനാൽ താഴ്ന്ന വരുമാനമുള്ള രാജ്യങ്ങൾക്ക് അവ വാങ്ങുവാൻ വൻ തുക മുടക്കേണ്ടതായി വരും . കൂടാതെ വളരെ കുറഞ്ഞ താപനിലയിൽ അവ സംഭരിക്കേണ്ടത് വാക്സിൻ വിതരണവും സങ്കീർണ്ണമാക്കും.
ഇതിനു വിപരീതമായി, 70 ശതമാനം ഫലപ്രാപ്തി ഉള്ള ഓക്സ്ഫോർഡ് യൂണിവേഴ്സിറ്റി / അസ്ട്രസെനെക്ക വാക്സിൻ സാധാരണ ഫ്രിഡ്ജ് താപനിലയിൽ സൂക്ഷിക്കാൻ സാധിക്കുന്നതാണ് , സാധാരണജനങ്ങൾക്ക് ഉപയോഗിക്കുവാൻ വേണ്ടി വില കുറച്ചാണ് ഈ വാക്സിൻ വിപണിയിൽ എത്തിക്കുന്നത് . 64% ഡോസുകൾ വികസ്വര രാജ്യങ്ങളിലെ ആളുകളിലേക്ക് പോകുമെന്ന് നിർമ്മാതാക്കൾ അവകാശപ്പെട്ടു. ഈ പ്രതിജ്ഞാബദ്ധതയെ ലോകമെമ്പാടുമുള്ള ആരോഗ്യ പ്രവർത്തകർ പ്രശംസിക്കുന്നു . എന്നാൽ ഒരു കമ്പനിക്ക് മാത്രം ലോകം മുഴുവൻ പ്രതിരോധ വാക്സിൻ നൽകാൻ കഴിയില്ല എന്നത് ഒരു വസ്തുതയാണ് . അടുത്ത വർഷം ലോക ജനസംഖ്യയുടെ 18 ശതമാനം ആൾക്കാർ ഓക്സ്ഫോർഡ് / അസ്ട്രസെനെക്ക വാക്സിൻ സ്വീകരിക്കുവാൻ ഇടയാകും എന്ന് പ്രതീക്ഷിക്കുന്നു.
എട്ട് പ്രമുഖ വാക്സിൻ നിർമ്മാണ കമ്പനികളിൽ നിന്നും ലഭിക്കുന്ന വിവരങ്ങൾ അനുസരിച്ച് സമ്പന്ന രാജ്യങ്ങൾ കോവിഡ് പകർച്ചവ്യാധികളിൽ നിന്ന് രക്ഷപ്പെടാനുള്ള വഴിയിലേക്ക് നീങ്ങുമ്പോൾ 67 താഴ്ന്നതും ഇടത്തരം വരുമാനമുള്ള രാജ്യങ്ങൾ കോവിഡ് പ്രതിരോധമരുന്നുകൾ ഇല്ലാതെ അവശേഷിക്കും. ഇതിൽ 5 രാജ്യങ്ങളിൽ ( കെനിയ, മ്യാൻമർ, നൈജീരിയ, പാകിസ്ഥാൻ, ഉക്രെയ്ൻ ) 15 ദശലക്ഷം കോവിഡ് കേസുകൾ റിപ്പോർട്ട് ചെയ്തിട്ടുണ്ട്.
ലോകാരോഗ്യ സംഘടനയുടെ കോവിഡ് -19 ടെക്നോളജി ആക്സസ് പൂൾ വഴി കോവിഡ് വാക്സിൻ നിർമ്മാതാക്കൾ തങ്ങളുടെ സാങ്കേതികവിദ്യയും ബൗദ്ധിക സ്വത്തവകാശവും പങ്കിടണമെന്ന് പീപ്പിൾസ് വാക്സിൻ അലയൻസ് എന്ന സംഘടന ആവശ്യപ്പെടുന്നു . വികസ്വര രാജ്യങ്ങൾക്ക് കുറഞ്ഞ വിലയ്ക്ക് കോടിക്കണക്കിന് ഡോസുകൾ ലഭിക്കുവാൻ ഇത് ഇടയാക്കും. വാക്സിനുകൾ വികസിപ്പിക്കുന്നതിനായി ആസ്ട്രാസെനെക്ക / ഓക്സ്ഫോർഡ്, മോഡേണ, ഫൈസർ / ബയോ ടെക്ക് എന്നിവയ്ക്ക് 5 ബില്യൺ ഡോളറിലധികം പൊതു ധനസഹായം ലഭിച്ചതിനാൽ , ആഗോള പൊതുതാൽപ്പര്യത്തിൽ പ്രവർത്തിക്കേണ്ട ഉത്തരവാദിത്വം അവർക്കുണ്ട് എന്ന് സംഘടന വ്യക്തമാക്കി.
“സമ്പന്ന രാജ്യങ്ങൾക്ക് എല്ലാവർക്കുമായി മൂന്ന് തവണ കുത്തിവയ്പ് നൽകാൻ മതിയായ ഡോസുകൾ ഉണ്ട്, അതേസമയം ദരിദ്ര രാജ്യങ്ങൾക്ക് ആരോഗ്യ പ്രവർത്തകരിലേക്കും അപകടസാധ്യതയുള്ള ആളുകളിലേക്കും എത്താൻ പോലും പര്യാപ്തമല്ല വാക്സിനുകളുടെ ലഭ്യത ” പീപ്പിൾസ് വാക്സിൻ അലയൻസിലെ ഡോ. മൊഹ്ഗ കമാൽ യാനി പറഞ്ഞു.