ജനീവ: ലോകത്തെ മുഴുവന്‍ ഒന്നടങ്കം വിറപ്പിച്ച കോവിഡ് -19 ന്‍റെ ഉത്ഭവം എവിടെ നിന്നാണെന്ന് അറിയാന്‍ ലോകാരോഗ്യ സംഘടന. ഇതന്വേഷിക്കാൻ 10 ശാസ്ത്രജ്ഞര്‍ ഉള്‍പ്പെടുന്ന സംഘം അടുത്ത മാസം ചൈനീസ് നഗരമായ വുഹാനില്‍ എത്തും.
മാസങ്ങള്‍ നീണ്ട ചര്‍ച്ചകള്‍ക്കു ശേഷമാണ് സ്വതന്ത്ര അന്വേഷണത്തിനായി ഡബ്ല്യുഎച്ച്‌ഒയെ ചൈന അനുവദിച്ചത്. വുഹാനിലെ മൃഗങ്ങളെ വില്‍ക്കുന്ന മാര്‍ക്കറ്റില്‍ നിന്നാണ് കോവിഡ്-19 ഉത്ഭവിച്ചത് എന്നാണ് കരുതുന്നത്.
രോഗകാരണത്തിന്‍റെ ഉദ്ഭവം കണ്ടെത്തി രാജ്യത്തെ കുറ്റപ്പെടുത്താനല്ല, എന്താണ് സംഭവിച്ചതെന്ന് മനസിലാക്കുകയും ഈ വിവരങ്ങള്‍ അടിസ്ഥാനമാക്കി ഭാവിയില്‍ അപകടസാധ്യത കുറയ്ക്കാന്‍ ശ്രമിക്കുകയുമാണ് ഉദ്ദേശം. നാലോ അഞ്ചോ ആഴ്ച നീളുന്ന പരിശോധനയാവും നടത്തുക എന്ന് ഡബ്ല്യുഎച്ച്‌ഒ പറഞ്ഞു.