വാഴ്സോ: മാതാവിന്റെ സ്വർഗാരോപണ തിരുനാൾ ദിനത്തിൽ യൂറോപ്പിലെ ഏറ്റവും ഉയരം കൂടിയ മരിയൻ പ്രതിമ പോളണ്ടിൽ അനാച്ഛാദനം ചെയ്യപ്പെടുന്നു. പോളണ്ടിലെ കൊണോടോപ്പിക്ക് സമീപമുള്ള ഗ്രാമപ്രദേശത്താണ് 55.6 മീറ്റർ ഉയരത്തിൽ ഈ വിശുദ്ധ പ്രതിമ നിർമ്മിച്ചിരിക്കുന്നത്.
യൂറോപ്പിലെ ഏറ്റവും ഉയരം കൂടിയ മരിയൻ സ്മാരകമായി ഇനി ഈ പ്രതിമ അറിയപ്പെടും. ദൈവത്തെ മറന്നുകൊണ്ടിരിക്കുന്ന ആധുനിക ലോകത്തിൽ വിശ്വാസത്തിന്റെ ശക്തമായ ഒരു പൊതു അടയാളമായി മാറുക എന്ന ലക്ഷ്യത്തോടെയാണ് ഈ ബ്രഹ്മാണ്ഡ നിർമ്മിതി യാഥാർത്ഥ്യമാക്കിയിരിക്കുന്നത്.
പ്രമുഖ പോളിഷ് വ്യവസായി റോമൻ കാർക്കോസിക്കും ഭാര്യയുമാണ് ഈ മരിയൻ സ്മാരകത്തിന്റെ നിർമ്മാണത്തിന് പിന്നിൽ പ്രവർത്തിച്ചത്.