തെലുങ്കാനയിൽ കനത്ത മഴ തുടരുന്നു; 70 പേർ മരിച്ചു

ഹൈദരാബാദ്; തെലുങ്കാനയെ ദുരിതത്തിലാഴ്ത്തി കനത്ത മഴ തുടരുന്നു. മഴക്കെടുതിയിൽ സംസ്ഥാനത്ത് ഇതുവരെ 70 പേർ മരിച്ചതായാണ് വിവരം. ഇതിൽ 33 പേർ ഹൈദരാബാദ് നഗരത്തിലാണ് . കോവിഡ് മഹാമാരി അലട്ടി കൊണ്ടിരിക്കുമ്പോഴാണ് ഈ ഒരു ദുരിതവും കൂടി ഇവരെ തേടിയെത്തിയിരിക്കുന്നത്.

സൈന്യവും, ദേശീയ സംസ്ഥാന ദുരന്ത നിവാരണ സേനകളും രക്ഷാപ്രവർത്തനത്തിനായി രംഗത്തുണ്ട്. സംസ്ഥാനത്തെ എല്ലാ പരീക്ഷകളും മാറ്റി വച്ചിട്ടുണ്ട്. മൂന്നു ദിവസം കൂടി ശക്തമായ മഴ തുടരുമെന്നാണ് കാലാവസ്ഥാ നിരീക്ഷണകേന്ദ്രം മുന്നറിയിപ്പ്.