അമേരിക്കൻ പ്രസിഡന്റ് തെരഞ്ഞെടുപ്പ്: ട്രംപ് വോട്ട് രേഖപ്പെടുത്തി

ഫ്ളോറിഡ: അമേരിക്കൻ പ്രസിഡന്റ് തിരഞ്ഞെടുപ്പിന് മുന്നോടിയായി പ്രസിഡന്റ് ഡൊണാൾഡ് ട്രംപ് വോട്ട് രേഖപ്പെടുത്തി. ശനിയാഴ്ച രാവിലെ ഫ്ളോറിഡയിലെ പാം ബീച്ചിലാണ് ട്രംപ് വോട്ട് ചെയ്തത്. അമേരിക്കൻ ഫസ്റ്റ് ലേഡി ആയ മേലാനിയ ട്രംപ് വോട്ട് ചെയ്യാൻ എത്തിയില്ല. നവംബർ മൂന്നിനാണ് വോട്ടെടുപ്പ് നടക്കുന്നതെങ്കിലും മുൻകൂർ വോട്ട് ചെയ്യാനുള്ള സൗകര്യം പ്രയോജനപ്പെടുത്തി ആണ് ട്രംപ് വോട്ട് ചെയ്തത്.

' ട്രംപ് എന്ന് ആൾക്കുവേണ്ടി ഞാൻ വോട്ട് രേഖപ്പെടുത്തി' വോട്ട് ചെയ്ത ശേഷം പുഞ്ചിരിച്ചുകൊണ്ട് മാധ്യമങ്ങളോട് ട്രംപ് പറഞ്ഞു. വളരെ കർശനവും സുരക്ഷിതവും ആയ രീതിയിലാണ് തെരഞ്ഞെടുപ്പ് നടക്കുന്നതെന്നും അദ്ദേഹം വ്യക്തമാക്കി.