പാലാ: പാലാ സെന്റ് തോമസ് കോളജില്‍ വിദ്യാര്‍ഥിനിയെ സഹപാഠി കഴുത്തറത്ത് കൊന്നു. മൂന്നാം വര്‍ഷ ഫുഡ് ടെക്‌നോളജി വിദ്യാര്‍ഥിനി കോട്ടയം തലയോലപ്പറമ്പ്‌ കളപ്പുരയ്ക്കല്‍ നിഥിന മോള്‍ (22) ആണ് കൊല്ലപ്പെട്ടത്. പ്രതി കൂത്താട്ടുകുളം ഉപ്പാനിയില്‍ പുത്തന്‍പുരയില്‍ സ്വദേശി അഭിഷേക് ബൈജുവിനെ പൊലീസ് കസ്റ്റഡിയിലെടുത്തു. അഭിഷേകും മൂന്നാം വര്‍ഷ ഫുഡ് ടെക്‌നോളജി വിദ്യാര്‍ഥിയാണ്.
പേപ്പര്‍ കട്ടര്‍ കത്തികൊണ്ടാണ് പ്രതി ക്രൂരകൃത്യം ചെയ്തത്. ഇന്ന് രാവിലെ 11.15 നാണ് സംഭവം. പ്രണയ നൈരാശ്യമാണ് കാരണമെന്ന് പൊലീസ് പറഞ്ഞു. പരീക്ഷ കഴിഞ്ഞ് പുറത്തിറങ്ങിയപ്പോഴാണ് പെണ്‍കുട്ടിക്കു നേരെ ആക്രമണമുണ്ടായത്. നിതിനാമോളെ ഉടന്‍ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. മൃതദേഹം പാലാ മരിയന്‍ മെഡിക്കല്‍ സെന്ററില്‍ സൂക്ഷിച്ചിരിക്കുകയാണ്.
കൃത്യം നിര്‍വ്വഹിച്ച ശേഷം തൊട്ടടുത്തുള്ള സിമന്റ് ബെഞ്ചില്‍ ഇരിക്കുകയായിരുന്നു പ്രതി. പൊലീസെത്തി വിളിച്ചപ്പോള്‍ എതിര്‍പ്പൊന്നും പ്രകടിപ്പിക്കാതെ വാഹനത്തില്‍ കയറുകയും ചെയ്തു.
പ്രണയ നൈരാശ്യം മൂലം കോതമംഗലം ഡന്റല്‍ കോളജ് വിദ്യാര്‍ഥിനി മാനസയെ കണ്ണൂര്‍ സ്വദേശിയായ രഖില്‍ വെടിവച്ചു കൊലപ്പെടുത്തിയതിന്റെ ഞെട്ടലില്‍ വിട്ടുമാറുന്നതിനു മുമ്പാണ് മറ്റൊരു വിദ്യാര്‍ഥിനികൂടി കൊല ചെയ്യപ്പെടുന്നത്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.