തിരുവനന്തപുരം: കേരള അഡ്മിനിസ്ട്രേറ്റീവ് സര്‍വീസ്- കെ.എ.എസിന്റെ റാങ്ക് പട്ടിക പ്രഖ്യാപിച്ചു. ആദ്യ റാങ്കുകള്‍ വനിതകള്‍ കരസ്ഥമാക്കി.
തിരുവനന്തപുരത്ത് വാര്‍ത്താ സമ്മേളനത്തില്‍ പി.എസ്.സി ചെയര്‍മാന്‍ അഡ്വ. എം.കെ സക്കീര്‍ ആണ് പട്ടിക പ്രഖ്യപിച്ചത്. മൂന്നു സ്ട്രീമുകളായാണ് പരീക്ഷ നടന്നത്.
സ്ട്രീം ഒന്നില്‍ ഒന്നാം റാങ്ക് മാലിനി എസ്. രണ്ടാം റാങ്ക് നന്ദന എസ് പിള്ള, മൂന്നാം റാങ്ക് ഗോപിക ഉദയന്‍, നാലാം റാങ്ക് ആതിര എസ്.വി, അഞ്ചാം റാങ്ക് ഗൗതമന്‍ എം. എന്നിവര്‍ക്കാണ്.
സ്ട്രീം രണ്ടില്‍ ഒന്നാം റാങ്ക് അഖില ചാക്കോ നേടി. രണ്ടാം റാങ്ക് ജയകൃഷ്ണന്‍ കെ.ജി, മൂന്നാം റാങ്ക് പാര്‍വതി ചന്ദ്രന്‍ എല്‍, നാലാം റാങ്ക് ലിപു എസ് ലോറന്‍സ്, അഞ്ചാം റാങ്ക് ജോഷ്വാ ബെനറ്റ് ജോണ്‍ എന്നിവരും നേടി.
സ്ട്രീം മൂന്നില്‍ ഒന്നാം റാങ്ക് അനൂപ് കുമാര്‍ വി, രണ്ടാം റാങ്ക് അജീഷ് കെ, മൂന്നാം റാങ്ക് പ്രമോദ് ജി.വി, നാലാം റാങ്ക് ചിത്രലേഖ കെ.കെ, അഞ്ചാം റാങ്ക് സനോപ് എസ് എന്നിവര്‍ കരസ്ഥമാക്കി.
കെ.എ.എസ് പരീക്ഷയില്‍ യോഗ്യത നേടിയ 105 പേര്‍ നവംബര്‍ ഒന്നിന് ജോലിക്ക് കയറും. സ്ട്രീം ഒന്നിലെ മെയിന്‍ ലിസ്റ്റില്‍ 122 പേര്‍ ഉള്‍പ്പെട്ടിട്ടുണ്ട്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.