ശ്രീനഗറിൽ തീവ്രവാദി ആക്രമണം ;മൂന്നു പേർ കൊല്ലപ്പെട്ടു

ശ്രീനഗർ : ശ്രീനഗറിൽ തെക്കൻ കുൽഗാം ജില്ലയിൽ മൂന്നു ബി ജെ പി പ്രവർത്തകരെ തീവ്രവാദികൾ വെടിവെച്ചു കൊന്നു. ബിജെപിയുടെ യുവജന വിഭാഗത്തിലെ അംഗങ്ങളാണ് മൂവരും . ഒരാൾ പാർട്ടിയുടെ കുൽഗാം ജില്ലാ ജനറൽ സെക്രട്ടറിയാണ് . ബി ജെ പി കൊലപാതകങ്ങളെ ശക്തമായി അപലപിച്ചു.

അക്രമികൾക്കായി തിരച്ചിൽ ആരംഭിച്ചതായി പോലീസ് പറഞ്ഞു. ആക്രമണത്തിന്റെ ഉത്തരവാദിത്വം ഇതുവരെ ഒരു തീവ്രവാദഗ്രൂപ്പും ഏറ്റെടുത്തിട്ടില്ല.ഇന്ത്യൻ പൗരന്മാർക്ക് കശ്മീരിൽ ഭൂമി വാങ്ങാൻ അനുവദിക്കുന്ന നിയമങ്ങൾ നടപ്പാക്കി രണ്ട് ദിവസത്തിന് ശേഷമാണ് ആക്രമണം.