ഇസ്ലാമാബാദ്: പാകിസ്താന്‍ റോഡ് നിറയെ ഇന്ത്യന്‍ പ്രധാനമന്ത്രി നരേന്ദ്ര മോഡിയുടെയും ഇന്ത്യന്‍ വ്യോമസേന വിംഗ് കമാന്‍ഡര്‍ അഭിനന്ദന്‍ വര്‍ദ്ധമാന്റെയും ചിത്രങ്ങള്‍. സമൂഹമാധ്യമങ്ങളില്‍ പ്രചരിച്ച ഈ വാര്‍ത്തയ്ക്കും ചിത്രത്തിനും പിന്നിലെ കാരണം ഇതാണ്.
ഇന്ത്യ ആക്രമിക്കുമോ എന്ന പേടികൊണ്ടാണ് പാകിസ്ഥാന്‍ അഭിനന്ദന്‍ വര്‍ദ്ധമാനെ മോചിപ്പിച്ചതെന്നായിരുന്നു പാക് പ്രതിപക്ഷ നേതാവിന്റെ പരാമര്‍ശം. അതേസമയം സാദിഖിനെതിരെയുള്ള പോസ്റ്ററുകള്‍ അദ്ദേഹത്തിന്റെ മണ്ഡലത്തിലെ നിരത്തുകളില്‍ പതിപ്പിച്ചിട്ടുണ്ട്.
അഭിനന്ദന്‍ വര്‍ദ്ധമാനുമായി ബന്ധപ്പെട്ട പരാമര്‍ശത്തിന് പിന്നാലെ പിഎംഎല്‍ (എന്‍) നേതാവും, പാകിസ്ഥാന്‍ ദേശീയ അസംബ്ലി മുന്‍ സ്പീക്കറുമായ അയാസ് സാദിഖിനെതിരെ വിമര്‍ശനം ശക്തമായിരിക്കുകയാണ്. പാകിസ്ഥാന്‍ മുന്‍ പ്രധാനമന്ത്രി നവാസ് ഷെരീഫിന്റെ പാര്‍ട്ടിയുടെ പ്രമുഖ നേതാവായ സാദിഖിനെതിരെ സ്വന്തം മണ്ഡലത്തില്‍ വന്‍ പ്രതിഷേധമാണ് ഉയരുന്നത്.
ചില പോസ്റ്ററുകളില്‍ പ്രധാനമന്ത്രി നരേന്ദ്ര മോഡിയേയും, അഭിനന്ദനെയും കാണാം. പാകിസ്ഥാന്റെ പിടിയിലായ അഭിനന്ദന്റെ മോചനവുമായി ബന്ധപ്പെട്ടായിരുന്നു സാദിഖിന്റെ പരാമര്‍ശം. ദേശീയ അസംബ്ലിയില്‍ നടത്തിയ പ്രസംഗത്തിലാണ് അയാസ് സാദിഖ് ഇക്കാര്യം വെളിപ്പടുത്തിയത്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.