അന്തിമ വിധി പറയുക ജഡ്​ജിമാർ: പോസ്​റ്റൽ വോട്ടുകളിൽ കൃത്രിമം നടന്നെന്ന്​​ ട്രംപ്​

അമേരിക്ക: യൂ എസ് തെരഞ്ഞെടുപ്പിന്റെ വോട്ടെണ്ണൽ പുരോഗമിക്കുന്നതിനിടെ യുഎസ് പ്രസിഡന്റ് ഡൊണാൾഡ് ട്രംപ് പത്ര സമ്മേളനം നടത്തി. തിരഞ്ഞെടുപ്പ് സംബന്ധിച്ച് അന്തിമ വിധി ജഡ്ജിമാരുടെ ആയിരിക്കും എന്ന് ട്രംപ് പറഞ്ഞു. തെരഞ്ഞെടുപ്പിനെ തുടർന്നുണ്ടായ നിയമ നടപടികളെ സംബന്ധിച്ച് മാധ്യമ പ്രവർത്തകരുടെ ചോദ്യങ്ങൾക്ക് ഉത്തരം പറയാതെ ആയിരുന്നു ഈ തവണയും ട്രംപിന്റെ വാർത്ത സമ്മേളനം.

തെരഞ്ഞെടുപ്പിലെ പോസ്റ്റൽ വോട്ടുകൾ ഏകപക്ഷീയമാണെന്ന് ട്രംപ് പറഞ്ഞു. പോസ്റ്റൽ വോട്ടുകളിൽ തിരിമറി നടക്കാൻ ഉള്ള സാധ്യതകൾ തള്ളികളയാൻ ആകില്ലന്ന് ട്രംപ് പറഞ്ഞു. യു എസിൽ നീലതരംഗം ഇല്ലന്നും അമേരിക്കൻ തൊഴിലാളികളുടെ പാർട്ടി ആണ് റിപ്പബ്ലിക് പാർട്ടി എന്നും ട്രംപ് വാർത്ത സമ്മേളനത്തിൽ പറഞ്ഞു.