ചെന്നൈ: എഐഎഡിഎംകെ നേതാവ് പനീര്‍ശെല്‍വത്തിന്റെ സഹോദരന്‍ ഒ. രാജയെ ശനിയാഴ്ച പാര്‍ട്ടിയില്‍ നിന്ന് പുറത്താക്കി. വി.കെ. ശശികലയുമായി പാര്‍ട്ടി സംബന്ധിയായ കാര്യങ്ങളില്‍ ചര്‍ച്ച നടത്തി ഒരു ദിവസത്തിന് ശേഷമാണ് നടപടി. അച്ചടക്കം ലംഘിച്ചതിനും പാര്‍ട്ടി തത്വങ്ങള്‍ക്ക് വിരുദ്ധമായി പ്രവര്‍ത്തിച്ചതിനുമാണ് രാജയെ പാര്‍ട്ടിയുടെ പ്രാഥമിക അംഗത്വത്തില്‍ നിന്ന് പുറത്താക്കിയതെന്ന് എഐഎഡിഎംകെ കോര്‍ഡിനേറ്റര്‍ പന്നര്‍സെല്‍വവും കോ-ഓര്‍ഡിനേറ്റര്‍ കെ പളനിസ്വാമിയും സംയുക്ത പാര്‍ട്ടി പ്രസ്താവനയില്‍ പറഞ്ഞു.
തേനി പാര്‍ട്ടി ജില്ലയില്‍പ്പെട്ട മറ്റ് മൂന്ന് ഭാരവാഹികളെയും പിരിച്ചുവിട്ടതായും പ്രസ്താവനയില്‍ അറിയിച്ചു. അന്തരിച്ച എഐഎഡിഎംകെ മാതൃപിതാവ് ജെ ജയലളിതയുടെ വിശ്വസ്തയായ ശശികലയെ വര്‍ഷങ്ങള്‍ക്ക് മുമ്പ് പാര്‍ട്ടിയില്‍ നിന്ന് ഒഴിവാക്കിയിരുന്നു. കഴിഞ്ഞയാഴ്ച്ച നടന്ന തദേശ തെരഞ്ഞെടുപ്പില്‍ എഐഎഡിഎംകെ ദയനീയ പ്രകടനമായിരുന്നു നടത്തിയത്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.