ന്യൂഡല്‍ഹി: രാജ്യത്ത് ഗോതമ്പ് ശേഖരം ആറ് വര്‍ഷത്തിനിടയിലെ ഏറ്റവും താഴ്ന്ന നിലയില്‍. കേന്ദ്ര സര്‍ക്കാര്‍ ഇന്നലെ പുറത്തു വിട്ട കണക്കുകളിലാണ് ഇക്കാര്യം വ്യക്തമാക്കുന്നത്.
സര്‍ക്കാര്‍ വെയര്‍ഹൗസുകളില്‍ സൂക്ഷിച്ചിരുന്ന ഗോതമ്പ് ശേഖരം കുറഞ്ഞു. ഗോതമ്പ് വില കുറയ്ക്കാന്‍ സര്‍ക്കാര്‍ വെയര്‍ഹൗസുകളിലെ സ്റ്റോക്കുകള്‍ പുറത്തിറക്കാനുള്ള ഗവണ്‍മെന്റിന്റെ ശ്രമങ്ങള്‍ ഉണ്ടായിരുന്നു.
37.85 ദശലക്ഷം ടണ്ണില്‍ നിന്ന് സംസ്ഥാന വെയര്‍ഹൗസുകളിലെ ഗോതമ്പ് ശേഖരം ഈ മാസത്തിന്റെ തുടക്കത്തില്‍ 19 ദശലക്ഷം ടണ്ണായി കുറഞ്ഞു. ഫുഡ് കോര്‍പ്പറേഷന്‍ ഓഫ് ഇന്ത്യ തയ്യാറാക്കിയ കണക്കുകള്‍ പ്രകാരം നവംബറില്‍ സര്‍ക്കാരിന്റെ കരുതല്‍ ശേഖരം രണ്ട് ദശലക്ഷം ടണ്‍ കുറഞ്ഞിട്ടുണ്ട്.
രാജ്യത്തെ ഗോതമ്പ് ശേഖരത്തില്‍ ഇതിനു മുന്‍പും കുറവ് വന്നിരുന്നു. 2014-ലും 2015-ലും തുടര്‍ച്ചയായ വരള്‍ച്ച കാരണം ഗോതമ്പ് ശേഖരം 16.5 ദശലക്ഷം ടണ്ണായി കുറഞ്ഞിരുന്നു. 2016 ന് ശേഷമുള്ള ഏറ്റവും താഴ്ന്ന നിലയിലാണ് നിലവില്‍ രാജ്യത്തെ ഗോതമ്പ് ശേഖരം.
ഇന്ത്യ ലോകത്തിലെ ഏറ്റവും വലിയ രണ്ടാമത്തെ ധാന്യ ഉല്‍പ്പാദക രാജ്യമായിരുന്നിട്ടും, വിളവെടുപ്പില്‍ പെട്ടെന്നുണ്ടായ ഇടിവ് മൂലം രാജ്യത്ത് ഗോതമ്പിന്റെ വില ഉയര്‍ത്തുകയാണ്.
പുതിയ സീസണില്‍ ഗോതമ്പ് ഉല്‍പ്പാദനം സാധാരണ നിലയിലേക്ക് ഉയരുമെങ്കിലും ഏപ്രില്‍ മുതല്‍ പുതിയ വിളവെടുപ്പ് ഉണ്ടാകുന്നത് വരെ വില ഉയരും.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.