കൊല്ലം: കേരള സന്ദര്‍ശനത്തിനെത്തിയ രാഷ്ട്രപത്രിയുടെ വാഹനം കടന്നുപോകുന്നതിനിടെ വഴിയരികില്‍ കാത്തുനിന്ന കുട്ടികള്‍ക്ക് ചോക്ലേറ്റ് വിതരണം ചെയ്ത് രാഷ്ട്രപതി ദ്രൗപദി മുര്‍മു. രാവിലെ ദേശീയ പാതയിലൂടെ കടന്നു പോകുന്നതിനിടെയാണ് കരുനാഗപ്പള്ളിയില്‍ വഴിയരികില്‍ കാത്തു നിന്ന സ്‌കൂള്‍ കുട്ടികള്‍ക്ക് വാഹനത്തില്‍ നിന്ന് ഇറങ്ങി രാഷ്ട്രപതി ചോക്ലേറ്റ് വിതരണം ചെയ്തത്.
റോഡരികില്‍ കാത്തുനിന്ന കുട്ടികള്‍ കൈവീശി കാണിക്കുന്നത് കണ്ടപ്പോള്‍ വാഹനം നിര്‍ത്താന്‍ രാഷ്ട്രപതി ആവശ്യപ്പെടുകയായിരുന്നു. വാഹനം നിര്‍ത്തി തങ്ങള്‍ക്കരികിലേക്കെത്തിയ രാഷ്ട്രപതിയെ കണ്ട് കുട്ടികള്‍ ആദ്യം അമ്പരന്നെങ്കിലും ചോക്ലറ്റ് ലഭിച്ചതോടെ ആവര്‍ ഹാപ്പിയായി. കുറച്ചു സമയം അവര്‍ക്കൊപ്പം ചിലവഴിച്ചാണ് ദ്രൗപതി മുര്‍മു തിരികെ വാഹനത്തിലേക്ക് കയറിയത്.
ചോക്ലേറ്റ് ലഭിച്ച കുട്ടികള്‍ ഓരേ സ്വരത്തില്‍ ദ്രൗപദി മുര്‍മുവിനോട് നന്ദി പറയുന്നതും വീഡിയോയില്‍ കേള്‍ക്കാം. രാവിലെ അമൃതപുരി ആശ്രമം സന്ദര്‍ശിച്ച ശേഷം തിരുവനന്തപുരത്ത് നടന്ന കുടുംബശ്രീയുടെ രജതജൂബിലി ഉദ്ഘാടനത്തിലും രാഷ്ട്രപതി പങ്കെടുത്തു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.