കൊച്ചി: തദ്ദേശ തെരഞ്ഞെടുപ്പില്‍ ആദ്യ ഫലം പുറത്തു വന്നപ്പോള്‍ ജില്ലാ പഞ്ചായത്തുകളിലും കോര്‍പ്പറേഷനുകളിലും മുനിസിപ്പാലിറ്റികളിലും യുഡിഎഫ് മുന്നേറ്റം. പഞ്ചായത്തുകളില്‍ എല്‍ഡിഎഫും യുഡിഎഫും ഒപ്പത്തിനൊപ്പം. ബ്‌ളോക്ക് പഞ്ചായത്തില്‍ എല്‍ഡിഎഫ് മുന്നേറുന്നു.
ബിജെപിയും ചിലയിടങ്ങളില്‍ ശക്തമായ സാന്നിധ്യമറിയിക്കുന്നുണ്ട്. പാല മുനിസിപ്പാലിറ്റിയില്‍ ആദ്യ രണ്ട് ഫലങ്ങള്‍ എല്‍ഡിഎഫിന് അനുകൂലം. ഒന്നാം വാര്‍ഡില്‍ കേരളാ കോണ്‍ഗ്രസ് എം സ്ഥാനാര്‍ത്ഥിയും രണ്ടാം വാര്‍ഡില്‍ സിപിഎം സ്ഥാനാര്‍യും വിജയിച്ചു. മൂന്നാം വാര്‍ഡിലും എല്‍ഡിഎഫാണ്. എന്നാല്‍ തൊടുപുഴ മുനിസിപ്പാലിറ്റിയില്‍ ചിത്രം മറിച്ചാണ്. അവിടെ യുഡിഎഫ് മുന്നേറ്റമാണ് കാണുന്നത്.
കൊച്ചി നഗരസഭയില്‍ തുടക്കത്തില്‍ യുഡിഎഫും എല്‍ഡിഎഫും ഒപ്പത്തിനൊപ്പമാണ്. യുഡിഎഫിന്റെ മേയര്‍ സ്ഥാനാര്‍ത്ഥി എന്‍ വേണുഗോപാല്‍ തോറ്റു. ബിജെപിക്ക് അനുകൂലമായ ആദ്യഫലം ചങ്ങനാശേരി മുനിസിപ്പാലിറ്റിയില്‍ നിന്നാണ്. രണ്ടിടത്ത് ബിജെപി വിജയിച്ചു. തളിപ്പറമ്പ് മുനിസിപ്പാലിറ്റിയില്‍ പതിവില്‍ നിന്ന് വ്യത്യസ്തമായി കോണ്‍ഗ്രസ് മുന്നേറുന്നു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.