റിയാദ്: സൗദി അറേബ്യയിലെ ഹഫര് അല്ബാത്തിനില് പ്രവാസി മലയാളി യുവതി ഉറക്കത്തില് മരിച്ചു. മലപ്പുറം മേലാറ്റൂര് എടപ്പറ്റ പാതിരിക്കോട് കല്ലംപടി സ്വദേശിനി മാളിയേക്കല് റിന്റു മോള് (28) ആണ് മരിച്ചത്. ഹഫര് അല്ബാത്തിനിലെ മറ്റേണിറ്റി ആന്റ് ചില്ഡ്രന് ഹോസ്പിറ്റലില് നഴ്സായി ജോലിചെയ്തുവരികയായിരുന്നു.
ജോലി കഴിഞ്ഞ ശേഷം റൂമിലെത്തിയ റിൻറു ഉറങ്ങാൻ കിടന്നതായിരുന്നു. രാവിലെ എഴുന്നേൽക്കാത്തതിനെ തുടർന്ന് നോക്കിയപ്പോഴാണ് മരിച്ച നിലയിൽ കാണപ്പെട്ടതെന്ന് കൂടെയുള്ളവർ അറിയിച്ചതായി ബന്ധുക്കൾ പറഞ്ഞു. മൃതദേഹം നാട്ടിലെത്തിക്കാനുള്ള ശ്രമം ആരംഭിച്ചു.
മാളിയേക്കല് ജോസ് വര്ഗീസ്-മേരിക്കുട്ടി ദമ്പതികളുടെ മകളാണ്. വിവാഹോലചനയുമായി ബന്ധപ്പെട്ട് നാട്ടില് പോയ റിന്റു മോള് ഇരുപത് ദിവസം മുമ്പാണ് സൗദിയില് മടങ്ങിയെത്തിയത്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26