ആരും ചിരിക്കരുത്! 'യുവര്‍ ദാല്‍ വില്‍ നോട്ട് കുക്ക് ഹിയര്‍'; എസ്എഫ്ഐയുടെ പ്രതിഷേധത്തെ പരിഹസിച്ച് വി.ടി ബല്‍റാമും അഡ്വ. ജയശങ്കറും

കൊച്ചി: ഗവര്‍ണര്‍ ആരിഫ് മുഹമ്മദ് ഖാനെതിരെയുള്ള എസ്എഫ്ഐയുടെ പ്രതിഷേധത്തെ പരിഹസിച്ച് കോണ്‍ഗ്രസ് നേതാവ് വി.ടി ബല്‍റാമും അഡ്വ. ജയശങ്കറും. കേരളവര്‍മ്മ കോളജില്‍ ഗവര്‍ണര്‍ക്കെതിരെ എസ്എഫ്ഐ ഉയര്‍ത്തിയ ബാനറിലെ വാക്യം ചൂണ്ടിക്കാട്ടിയായിരുന്നു ഇരുവരുടേയും പരിഹാസം. ഇതുമായി ചേര്‍ന്നു പോകുന്ന പഴഞ്ചൊല്ലാണ് ബല്‍റാം ഫേസ്ബുക്കില്‍ കുറിച്ചു.

വി.ടി ബല്‍റാമിന്റെ ഫെയ്‌സ്ബുക്ക് കുറിപ്പ്:

You won't do any dry ginger
നീ ഒരു ചുക്കും ചെയ്യില്ല
Your instalment will not walk here
നിന്റെ അടവ് ഇവിടെ നടക്കൂല
You add no add
നിന്നേക്കൊണ്ട് കൂട്ടിയാ കൂടൂല
You don't tell any grass
നീ ഒരു പുല്ലും പറയണ്ട
You bundle your bundle
നിന്നെ കെട്ട് കെട്ടിക്കും

ബാനറിലെ വ്യാകരണ പിശക് ചൂണ്ടിക്കാട്ടിയായിരുന്നു അഡ്വ. ജയശങ്കറിന്റെ പരിഹാസം. ആരും ചിരിക്കരുത്. സംഗതി വളരെ സീരിയസാണ് എന്നാണ് അദേഹം കുറിപ്പില്‍ പറയുന്നത്. Your dal will not cook hereഎന്നതു കൊണ്ട് കുട്ടി സഖാക്കള്‍ ഉദേശിച്ചത് 'തന്റെ പരിപ്പ് ഇവിടെ വേവില്ലെടോ എന്നാണ്'.

ഫെയ്‌സ്ബുക്ക് പോസ്റ്റിന്റെ പൂര്‍ണ രൂപം:

ആരും ചിരിക്കരുത്. സംഗതി വളരെ സീരിയസാണ്.
Your dal will not cook here എന്നതു കൊണ്ട് കുട്ടി സഖാക്കള്‍ ഉദ്ദേശിച്ചത് 'തന്റെ പരിപ്പ് ഇവിടെ വേവില്ലെടോ' എന്നാണ്. നമ്മുടെ ഉന്നത വിദ്യാഭ്യാസ മന്ത്രി ഈ കോളജില്‍ ഇംഗ്ലീഷ് പ്രൊഫസറായിരുന്നു. 2021 ലെ തിരഞ്ഞെടുപ്പ് ജയിക്കും വരെ.