ഷൗക്കത്ത് മുന്നേറ്റം തുടരുന്നു; സാന്നിധ്യം അറിയിച്ച് അൻവറും

മലപ്പുറം: നിലമ്പൂർ ഉപതിരഞ്ഞെടുപ്പ് വോട്ടെണ്ണൽ പുരോ​ഗമിക്കുന്നു. ഒമ്പത് റൗണ്ട് വോട്ടെടുപ്പ് പൂർത്തിയായപ്പോൾ യുഡിഎഫ് സ്ഥാനാർത്ഥി ആര്യാടൻ ഷൗക്കത്ത് ആറായിരത്തിലധികം വോട്ടിന്റെ മുന്നിലാണ്. രണ്ടാം സ്ഥാനത്തുള്ള എൽഡിഎഫ് സ്ഥാനാർത്ഥി എം. സ്വരാജിന് ഒരു റൗണ്ടിലും നേട്ടമുണ്ടാക്കാനായില്ല. സ്വതന്ത്ര സ്ഥാനാർത്ഥി പി.വി അൻവർ മൂന്നാമതും എൻഡിഎ സ്ഥാനാർഥി മോഹൻ ജോർജ് നാലാമതുമാണ്. ഒമ്പത് റൗണ്ട് വോട്ടെണ്ണൽ പൂർത്തിയായപ്പോൾ പതിനായിരത്തിലധികം വോട്ടുകൾ പിവി അൻവർ നേടി.

ചു​ങ്ക​ത്ത​റ മാ​ർ​ത്തോ​മാ ഹ​യ​ർ സെ​ക്ക​ൻ​ഡ​റി സ്കൂ​ളി​ൽ രാ​വി​ലെ എ​ട്ടി​നാണ്​ വോ​ട്ടെ​ണ്ണ​ൽ ആ​രം​ഭി​ച്ചത്. 263 പോ​ളി​ങ് ബൂ​ത്തു​ക​ളി​ലെ വോ​ട്ടു​ക​ൾ 19 റൗ​ണ്ടു​ക​ളി​ലാ​യാ​ണ് എ​ണ്ണു​ക. എ​ല്ലാ റൗ​ണ്ടു​ക​ളി​ലും വോ​ട്ടെ​ണ്ണി​ക്ക​ഴി​ഞ്ഞ​തി​ന് ശേ​ഷം ന​റു​ക്കി​ട്ടെ​ടു​ത്ത അ​ഞ്ച് പോ​ളി​ങ് സ്റ്റേ​ഷ​നു​ക​ളി​ലെ വി​വി​പാ​റ്റ് സ്ലി​പ്പു​ക​ൾ വി​വി​പാ​റ്റ് കൗ​ണ്ടി​ങ് ബൂ​ത്തി​ൽ ഇ​ല​ക്ഷ​ൻ ക​മീ​ഷ​ൻ നി​രീ​ക്ഷ​ക​രു​ടെ സാ​ന്നി​ധ്യ​ത്തി​ൽ എ​ണ്ണി​ത്തി​ട്ട​പ്പെ​ടു​ത്തും.