ഫ്ലോറിഡ: നീണ്ട 18 ദിവസത്തെ ബഹിരാകാശ വാസം പൂര്‍ത്തിയാക്കി ആക്സിയം 4 ദൗത്യ സംഘം ഇന്ന് ഭൂമിയിലേക്ക് യാത്ര തിരിക്കും. വ്യോമസേന ഗ്രൂപ്പ് ക്യാപ്റ്റന്‍ ശുഭാംശു ശുക്ല, പെഗ്ഗി വിറ്റ്‌സൺ (യുഎസ്), സ്ലാവോസ് വിസ്നീവ്സ്‌കി (പോളണ്ട്), ടിബോര്‍ കാപു (ഹംഗറി) എന്നീ യാത്രികരാണ് ദൗത്യം പൂര്‍ത്തിയാക്കി മടങ്ങാനൊരുങ്ങുന്നത്. ആകാശഗംഗ എന്നും വിളിപ്പേരുള്ള ആക്സിയം 4 ദൗത്യത്തിലെ യാത്രികരുമായി സ്‌പേസ് എക്‌സ് ഡ്രാഗണ്‍ പേടകം നാളെ വൈകിട്ട് മൂന്നിന് ഭൂമിയില്‍ തിരിച്ചെത്തും.
ഇന്ന് ഇന്ത്യന്‍ സമയം ഉച്ച കഴിഞ്ഞ് 2.25ന് ശുഭാംശുവും സഹ യാത്രികരും പേടകവുമായി ബന്ധിക്കപ്പെട്ട ഡ്രാഗണ്‍ മൊഡ്യൂളിലേക്ക് പ്രവേശിക്കുകയും വൈകിട്ട് 4.35ന് നിലയത്തില്‍ നിന്ന് പേടകം വേര്‍പെടുത്തുകയും ചെയ്യുന്നതോടെ മടക്ക യാത്ര ആരംഭിക്കും. ഭൂമിയെ ചുറ്റിക്കറങ്ങി പല ഘട്ടങ്ങളിലായി ഉയരം കുറച്ചുകൊണ്ടുവന്ന് ഭൂമിയുടെ ഉപരിതലത്തില്‍ നിന്നു പേടകം 350 കിലോമീറ്റര്‍ ഉയരത്തിലെത്തുന്ന ഘട്ടത്തില്‍ ഡീഓര്‍ബിറ്റ് നടപടികള്‍ തുടങ്ങും.
നാളെ ഇന്ത്യന്‍ സമയം വൈകിട്ട് മൂന്ന് മണിക്ക് കലിഫോര്‍ണിയ തീരത്തിനടുത്ത് പസിഫിക് സമുദ്രത്തിലാണ് ഡ്രാഗണ്‍ പേടകം പതിക്കുക. തുടര്‍ന്ന് യാത്രികരെ സ്‌പേസ്എക്‌സ് കപ്പലില്‍ കയറ്റി തീരത്തേക്ക് കൊണ്ടുപോകും. ഐഎസ്‌എസില്‍ രണ്ടാഴ്ചത്തെ ദൗത്യത്തിന് ശേഷമാണ് ആക്സിയം 4 സംഘം ഭൂമിയിലേക്ക് മടങ്ങുന്നത്. ജൂണ്‍ 26നാണ് ആക്സിയം 4 ദൗത്യ സംഘം ഐഎസ്‌എസില്‍ എത്തിയത്.
1
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.