ബംഗളൂരു: പ്രമുഖ വ്യവസായി സി.ജെ റോയിയുടെ മരണത്തിന് ഉത്തരവാദി ആദായ നികുതി വകുപ്പ് ഉദ്യോഗസ്ഥരെന്ന് കോണ്ഫിഡന്റ് ഗ്രൂപ്പ്. ലീഗല് അഡൈ്വസര് പ്രകാശ് ആണ് ആദായ നികുതി ഉദ്യോഗസ്ഥര്ക്കെതിരെ രംഗത്തെത്തിയത്. കേരളത്തില് നിന്നുള്ള ഐടി ഉദ്യോഗസ്ഥരാണ് പരിശോധന നടത്തിയതെന്നും ഇവര് നിരന്തരം സമ്മര്ദം ചെലുത്തിയതായും പ്രകാശ് ആരോപിച്ചു.
ബംഗളൂരു അശോക് നഗറിലെ കോണ്ഫിഡന്റ് പെന്റഗണ് എന്ന കോര്പറേറ്റ് ഓഫീസില് ആദായ നികുതി വകുപ്പ് ഉദ്യോഗസ്ഥര് പരിശോധന നടത്തവെയാണ് സി.ജെ റോയ് ആത്മഹത്യ ചെയ്തത്. വെള്ളി രാവിലെ പത്തിന് ശേഷമാണ് കൊച്ചിയില് നിന്നുള്ള ഉദ്യോഗസ്ഥര് കോര്പറേറ്റ് ഓഫീസില് എത്തിയത്. നികുതി വെട്ടിപ്പുമായി ബന്ധപ്പെട്ടായിരുന്നു പരിശോധന.
ഉച്ചയ്ക്ക് ശേഷം ഉദ്യോഗസ്ഥര് അദേഹത്തെ സെന്ട്രല് ബംഗളൂരുവിലെ റിച്ച്മണ്ട് സര്ക്കിളിന് സമീപമുള്ള കോര്പറേറ്റ് ഓഫീസിലേക്ക് വിളിച്ച് വരുത്തുകയായിരുന്നു. തുടര്ന്ന് ഒരു മണിക്കൂറോളം ചോദ്യം ചെയ്തു. ഉദ്യോഗസ്ഥര് ചില രേഖകള് ആവശ്യപ്പെട്ടപ്പോള് അവ എടുത്ത് നല്കാമെന്ന് പറഞ്ഞ് മുറിയിലേക്ക് പോകുകയായിരുന്നു. അവിടെവച്ച് കൈവശമുണ്ടായിരുന്ന തോക്ക് ഉപയോഗിച്ച് സ്വയം വെടിയുതിര്ത്തു എന്നാണ് വിവരം. നെഞ്ചിലാണ് വെടിവെച്ചത്. ഉടന് തന്നെ എച്ച്.എസ്.ആര് ലേ ഔട്ടിലെ നാരായണ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
കോണ്ഫിഡന്റ് ഗ്രൂപ്പിന്റെ സ്ഥാപനങ്ങളില് നേരത്തെയും ഐടി ഉദ്യോഗസ്ഥര് പരിശോധന നടത്തിയിരുന്നു. കേരളത്തില് നിന്നുള്ള ഉദ്യോഗസ്ഥര്ക്ക് ബംഗളൂരുവില് പരിശോധന നടത്താന് അധികാരമില്ലെന്ന് ചൂണ്ടിക്കാട്ടി റോയ് കര്ണാടക ഹൈക്കോടതിയെ സമീപിച്ചിരുന്നു. തുടര്ന്ന് പരിശോധനകള്ക്ക് കോടതി സ്റ്റേ അനുവദിച്ചു. എന്നാല് കഴിഞ്ഞ ദിവസം കോടതി സ്റ്റേ പിന്വലിച്ചിരുന്നു. ഇതിന് ശേഷമാണ് വീണ്ടും പരിശോധനകള് ആരംഭിച്ചത്.
അതേസമയം ഐടി ഉദ്യോഗസ്ഥര് സംഭവത്തെക്കുറിച്ച് പ്രതികരിച്ചിട്ടില്ല. സി.ജെ റോയിക്ക് കേരളത്തിലുള്പ്പെടെ നിരവധി സംരംഭങ്ങളുണ്ട്. കോണ്ഫിഡന്റ് ഗ്രൂപ്പിന് 160 ല് ഏറെ പ്രൊജക്ടുകള് ബംഗളൂരുവില് മാത്രമുണ്ട്. ഗള്ഫ് മേഖലയിലും നിക്ഷേപങ്ങളുണ്ട്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.