കൊല്ലം: പ്രശസ്ത നടനും സംവിധായകനുമായ ഇ.എ രാജേന്ദ്രന് (71) അന്തരിച്ചു. അസുഖങ്ങളെത്തുടര്ന്ന് ചികിത്സയിലായിരുന്ന അദേഹം ഇന്ന് പുലര്ച്ചെ കൊല്ലം പട്ടത്താനത്തെ വസതിയില്വെച്ചാണ് അന്തരിച്ചത്. സംസ്കാരം നാളെ ജന്മനാടായ തൃശൂര് തൃത്തല്ലൂരില്.
മലയാള സിനിമ-നാടക വേദിയിലെ സജീവ സാന്നിധ്യമായിരുന്നു അദേഹം. നാടകത്തിലൂടെ കലാരംഗത്തേക്ക് കടന്നുവന്ന രാജേന്ദ്രന്, സിനിമയിലും ടെലിവിഷന് സീരിയലുകളിലും ശ്രദ്ധേയമായ വേഷങ്ങള് കൈകാര്യം ചെയ്തിട്ടുണ്ട്. സ്വഭാവ നടനായും വില്ലനായും ഒരുപോലെ തിളങ്ങിയ അദേഹം നിരവധി ഹിറ്റ് സിനിമകളുടെ ഭാഗമായി. പ്രധാന ചിത്രങ്ങളില് ചിലത് കളിയാട്ടം, നരസിംഹം, പട്ടാഭിഷേകം, തച്ചിലേടത്ത് ചുണ്ടന് എന്നിവയാണ്.
അഭിനയത്തിന് പുറമെ സംവിധാന രംഗത്തും അദേഹം തന്റേതായ മുദ്ര പതിപ്പിച്ചിട്ടുണ്ട്. കലാലോകത്തിന് വലിയൊരു നഷ്ടം വാഗ്ദാനം ചെയ്തുകൊണ്ടാണ് മലയാളികളുടെ പ്രിയപ്പെട്ട ഈ കലാകാരന് വിടവാങ്ങുന്നത്.
ചലച്ചിത്ര നടനും എംഎല്എയുമായ മുകേഷിന്റെ സഹോദരി സന്ധ്യയാണ് ഭാര്യ. ദിവ്യദര്ശന് മകനാണ്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.