കോട്ടയം: തുടര്ച്ചയായ മഴയും വെള്ളക്കെട്ടും ദുരിതാശ്വാസ ക്യാമ്പുകളുടെ പ്രവര്ത്തനവും കണക്കിലെടുത്ത് പത്തനംതിട്ട, ആലപ്പുഴ, കോട്ടയം ജില്ലകളിലെ വിവിധ താലൂക്കുകളിലും ദുരിതാശ്വാസ ക്യാമ്പുകള് പ്രവര്ത്തിക്കുന്ന സ്കൂളുകളിലും ജില്ലാ കളക്ടര്മാര് വ്യാഴാഴ്ച അവധി പ്രഖ്യാപിച്ചു. പ്രൊഫഷണല് കോളജുകള് ഉള്പ്പെടെയുള്ള വിദ്യാഭ്യാസ സ്ഥാപനങ്ങള്ക്കും അങ്കണവാടികള്ക്കും അവധി ബാധകമായിരിക്കും.
പത്തനംതിട്ട ജില്ലയില് തിരുവല്ല താലൂക്കിലെ അങ്കണവാടി മുതല് പ്രൊഫഷണല് കോളജുകള് വരെയുള്ള മുഴുവന് വിദ്യാഭ്യാസ സ്ഥാപനങ്ങള്ക്കും നാളെ അവധിയാണ്. ഇതിനുപുറമെ, ജില്ലയിലെ മറ്റ് താലൂക്കുകളില് ദുരിതാശ്വാസ ക്യാമ്പുകള് പ്രവര്ത്തിക്കുന്ന സ്കൂളുകള്ക്കും അവധി ബാധകമായിരിക്കുമെന്ന് കളക്ടര് അറിയിച്ചു.
ആലപ്പുഴ ജില്ലയില് മഴ മുന്നറിയിപ്പും വെള്ളക്കെട്ടും നിലനില്ക്കുന്ന സാഹചര്യത്തില് കുട്ടനാട്, ചെങ്ങന്നൂര്, കാര്ത്തികപ്പള്ളി എന്നീ താലൂക്കുകളിലെ പ്രൊഫഷണല് കോളജുകള്, അങ്കണവാടികള്, ട്യൂഷന് സെന്ററുകള് എന്നിവയടക്കം എല്ലാ വിദ്യാഭ്യാസ സ്ഥാപനങ്ങള്ക്കും അവധി പ്രഖ്യാപിച്ചിട്ടുണ്ട്. കൂടാതെ ജില്ലയില് ദുരിതാശ്വാസ ക്യാമ്പുകള് പ്രവര്ത്തിക്കുന്ന മറ്റ് സ്കൂളുകള്ക്കും അവധിയായിരിക്കും. താലൂക്ക് അടിസ്ഥാനത്തിലെ പ്രാദേശിക സാഹചര്യം വിലയിരുത്തി കൂടുതല് സ്കൂളുകള്ക്ക് അവധി നല്കാന് ആലപ്പുഴ വിദ്യാഭ്യാസ വകുപ്പ് ഡെപ്യൂട്ടി ഡയറക്ടറെ ചുമതലപ്പെടുത്തിയിട്ടുണ്ട്.
കോട്ടയം ജില്ലയില് കോട്ടയം താലൂക്കിലെ പ്രൊഫഷണല് കോളജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും നാളെ അവധിയായിരിക്കും. മറ്റ് താലൂക്കുകളില് ദുരിതാശ്വാസ ക്യാമ്പുകള് പ്രവര്ത്തിക്കുന്ന സ്ഥാപനങ്ങള്ക്കും നാളെ പ്രവര്ത്തനം ഉണ്ടാകില്ല. അതേസമയം മൂന്ന് ജില്ലകളിലും മുന്കൂട്ടി നിശ്ചയിച്ചിട്ടുള്ള പൊതുപരീക്ഷകള്ക്ക് മാറ്റമുണ്ടായിരിക്കില്ലെന്ന് അധികൃതര് വ്യക്തമാക്കി.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.