തിരുവനന്തപുരം: കേരളത്തില് കോവിഡ് വ്യാപനം മൂലം പരിശോധന കിറ്റുകള്ക്ക് ക്ഷാമം. രോഗികളുടെ എണ്ണം പെരുകുകയും പരിശോധന കൂടുകയും ചെയ്തതോടെയാണ് കിറ്റുകള്ക്ക് ക്ഷാമം നേരിടാന് തുടങ്ങിയത്. ഇതോടെ ഒട്ടുമിക്ക ജില്ലകളിലും പരിശോധനകളുടെ എണ്ണവും കുറഞ്ഞു.
കോവിഡ് രണ്ടാം തരംഗം ഏറ്റവും രൂക്ഷമായ ഏപ്രില് മൂന്നാം വാരം മുതലാണ് കേരളത്തില് കോവിഡ് പരിശോധനകളുടെ എണ്ണം കൂടാന് തുടങ്ങിയത്. അതുവരെ മടിച്ച് നിന്നവരുള്പ്പെടെ മാസ് ടെസ്റ്റുകള്ക്കായി വരിനില്ക്കാന് തുടങ്ങി.
ആര്ടിപിസിആര് ഫലം വൈകിയതോടെ ആന്റിജന് ടെസ്റ്റുകളുടെ എണ്ണം കുതിച്ചുയര്ന്നു. ഇതോടെയാണ് ടെസ്റ്റ് കിറ്റുകള്ക്ക് ക്ഷാമം നേരിടാന് തുടങ്ങിയതെന്ന് വിവിധ ജില്ലകളിലെ മെഡിക്കല് ഓഫീസര്മാര് പറയുന്നു.