ന്യുഡല്‍ഹി: രാജ്യത്തെ വാക്‌സിന്‍ നയത്തില്‍ മാറ്റം. 18 നും 45 നും ഇടയില്‍ പ്രായമുള്ളവര്‍ക്ക് വാക്‌സിനേഷന്‍ കേന്ദ്രത്തിലെത്തി രജിസ്റ്റര്‍ ചെയ്യാം. സര്‍ക്കാര്‍ വാക്‌സിന്‍ കേന്ദ്രങ്ങളിലാകും ഈ സൗകര്യം ലഭിക്കുക.
രജിസ്റ്റര്‍ ചെയ്തിട്ട് വരാതിരിക്കുന്നവരുടെ വാക്‌സിന്‍ നേരിട്ടെത്തുന്നവര്‍ക്ക് നല്‍കാമെന്നും പുതിയ വാക്‌സിന്‍ നയത്തില്‍ പറയുന്നു. പതിനെട്ടിനും നാല്‍പ്പത്തിയഞ്ചിനും മധ്യേ പ്രായമുള്ളവരുട വാക്‌സിനേഷന്‍ വൈകുന്നുവെന്ന ആരോപണം ഉയര്‍ന്ന പശ്ചാത്തലത്തിലാണ് കേന്ദ്ര സര്‍ക്കാരിന്റെ പുതിയ വാക്‌സിന്‍ നയം.