തിരുവനന്തപുരം: കേരള നിയമസഭയുടെ നിലവില് നടക്കുന്ന സമ്മേളനത്തിനിടയില് ലക്ഷദ്വീപ് ജനതയ്ക്ക് ഐക്യദാര്ഢ്യം പ്രഖ്യാപിച്ച് പ്രമേയം പാസാക്കിയേക്കും. ഇതിനുള്ള നടപടി സ്പീക്കറുടെ ഓഫീസ് ആരംഭിച്ചു. ലക്ഷദ്വീപുകാരുടെ പോരാട്ടത്തെ പിന്തുണച്ച് കൊണ്ട് നിയമസഭ പ്രമേയം പാസാക്കാണമെന്ന് നേരത്തെ ഷാഫി പറമ്പില് എംഎല്എ ആവശ്യപ്പെട്ടിരുന്നു.
ഗവര്ണറുടെ നയപ്രഖ്യാപന പ്രസംഗത്തിനായി അടുത്ത ദിവസം കേരള നിയമസഭ വീണ്ടും ചേരും. അതിന് അടുത്ത ദിവസം നയപ്രഖ്യാപന പ്രസംഗത്തിന് മേല് ചര്ച്ച നടക്കും. ഇതിന് ശേഷം ലക്ഷദ്വീപുകാര്ക്ക് പിന്തുണ പ്രഖ്യാപിച്ചു കൊണ്ടുള്ള പ്രമേയം പാസാക്കാനുള്ള സാധ്യതയാണ് സ്പീക്കര് പരിശോധിക്കുന്നത്.