ബഹ്‌റിൻ ബഹ്‌റിൻ : സന്ദർശക വിസയിൽ ബഹ്‌റിനിൽ ഉള്ള എല്ലാ സന്ദർശകരുടെയും വിസ കാലാവധി ജനുവരി 2021 വരെ നീട്ടുന്നതായി എൻ‌പി‌ആർ‌എ പ്രഖ്യാപിച്ചു.വിസ പുതുക്കുവാനായി പ്രത്യേകം അപേക്ഷിക്കേണ്ടതില്ല . രാജ്യത്തു താമസ സൗകര്യം ലഭ്യമാക്കുവാനും വ്യോമ ഗതാഗതം സാധാരണ നിലയിലാകുമ്പോൾ സ്വന്തം രാജ്യത്തേക്ക് സുഗമമായി യാത്ര ചെയ്യുവാനും ഈ ആനുകൂല്യം അനുവദിക്കുന്നു.കൊറോണ മഹാമാരിയുടെ ഫലമായുണ്ടായ ആഗോള പ്രതിസന്ധി മറികടക്കുവാൻ പൗരന്മാരെയും താമസക്കാരെയും സഹായിക്കുന്നതിനായിട്ടാണ് ഇത്തരം നടപടികൾ . അഡ്മിനിസ്ട്രേഷൻ ഫീസ് അടയ്ക്കാതെ ബഹ്‌റൈനിലെ വിദേശികൾക്ക് റെസിഡൻസി പെർമിറ്റിന്റെയും വിസകളുടെയും സാധുത നീട്ടിക്കൊണ്ട് കൊറോണയുടെ തുടക്കം മുതൽ തന്നെ ബഹ്‌റിൻ ഭരണകൂടം സഹായ ഹസ്തം നൽകിവരുന്നു.