ദുബായ്: ഇന്ത്യയില്‍ നിന്ന് യുഎഇയിലേക്കുളള വിമാനസർവ്വീസ് ജൂലൈ ആറുവരെ നിർത്തിവച്ചതായി എയർഇന്ത്യ.യാത്രാക്കാ‍ർക്കുളള മറുപടിയെന്ന രീതിയിലാണ് എയർ ഇന്ത്യയുടെ അറിയിപ്പ്.
യു.എ.ഇയിലെ യാത്രാ നിയന്ത്രണങ്ങൾ നിലനിൽക്കുന്നതിനാൽ ജൂലൈ ആറ് വരെ വിമാനസർവീസ് ഉണ്ടാവില്ലെന്നും കൂടുതൽ വിവരങ്ങൾ വെബ്സൈറ്റിലൂടെയും ട്വിറ്റർ പേജിലൂടെയും അറിയിക്കാമെന്നുമാണ് വിമാനകമ്പനിയുടെ വിശദീകരണം.
രണ്ട് ഡോസ് വാക്സിന്‍ സ്വീകരിച്ചവർക്ക് ഇന്ന് മുതല്‍ മടങ്ങിയെത്താമെന്നാണ് ദുബായ് ദുരന്തനിവാരണസമിതി നേരത്തെ അറിയിച്ചിരുന്നത്. എന്നാല്‍ പ്രവേശനത്തിലെ പല കാര്യങ്ങളിലും അവ്യക്തത നിലനില്‍ക്കുന്നതിനാലാണ് വിമാനകമ്പനികള്‍ ഇത്തരത്തിലുളള തീരുമാനത്തിലേക്ക് എത്തിയതെന്നാണ് സൂചന.