ന്യുഡല്ഹി: കേരളത്തിലും മഹാരാഷ്ട്രയിലും കോവിഡ് രോഗികളുടെ എണ്ണം ഉയരുന്നുവെന്ന് പ്രധാനമന്ത്രി നരേന്ദ്ര മോഡി. മൂന്നാം തരംഗം തടയാനുള്ള നടപടികള് സ്വീകരിക്കണമെന്നും പ്രധാനമന്ത്രി.
മൈക്രോ കണ്ടൈന്മെന്റ് സോണുകളില് കൂടുതല് ജാഗ്രത പുലര്ത്തണം. തമിഴ്നാട്, ആന്ധ്രപ്രദേശ്, കര്ണാടക, ഒഡീഷ, മഹാരാഷ്ട്ര, കേരള മുഖ്യമന്ത്രിമാരുമായി നടത്തിയ കൂടിക്കാഴ്ചയിലാണ് പ്രധാനമന്ത്രിയുടെ പരാമര്ശം. രാജ്യത്തെ 80 ശതമാനം കോവിഡ് കേസുകളും ഈ ആറ് സംസ്ഥാനങ്ങളില് നിന്നാണെന്നും മോഡി പറഞ്ഞു. ടെസ്റ്റ്, ട്രാക്ക്, ട്രീറ്റ്, വാക്സിനേറ്റ് എന്ന മുദ്രവാക്യത്തില് ഊന്നിയാണ് മുന്നോട്ട് പോകേണ്ടതെന്നും പ്രധാനമന്ത്രി പറഞ്ഞു. കോവിഡ് ഭീഷണി ഒഴിഞ്ഞിട്ടില്ലെന്ന് എല്ലാവരും ഓര്മിക്കണമെന്നും അദ്ദേഹം കൂട്ടിച്ചേര്ത്തു.