തിരുവനന്തപുരം: ലോക്ക്ഡൗണ് നിയന്ത്രണങ്ങളില് സംസ്ഥാന സര്ക്കാര് മൂന്ന് ദിവസം ഇളവ് പ്രഖ്യാപിച്ചു. ഞായര്, തിങ്കള്, ചൊവ്വ ദിവസങ്ങളിലാണ് ബക്രീദ് പ്രമാണിച്ച് ഇളവ് അനുവദിച്ചത്. വ്യാപാരികളുമായി നടത്തിയ ചര്ച്ചയെ തുടര്ന്നാണ് തീരുമാനം. എന്നാല് ശനിയാഴ്ച നിയന്ത്രണങ്ങള് തുടരുമെന്നും സര്ക്കാര് വ്യക്തമാക്കി.
ഈ ദിവസങ്ങളില് എ,ബി, സി വിഭാഗങ്ങളില്പെടുന്ന മേഖലകളില് അവശ്യവസ്തുക്കള് വില്ക്കുന്ന പലചരക്ക്, പഴം, പച്ചക്കറി, മീന്, ഇറച്ചി, ബേക്കറി കടകള്ക്കു പുറമെ തുണിക്കട, ചെരുപ്പ് കട, ഇലക്ട്രോണിക് ഷോപ്പുകള്, ഫാന്സി ഷോപ്പുകള്, സ്വര്ണ്ണക്കട എന്നിവയും തുറക്കാം.
രാവിലെ ഏഴ് മുതല് രാത്രി എട്ടു മണി വരെയാണ് ഇവയ്ക്ക് തുറന്ന് പ്രവര്ത്തിക്കാന് അനുമതിയുണ്ടാവുക. ട്രിപ്പിള് ലോക്ഡൗണ് ഉള്ള ഡി വിഭാഗത്തില് ഇളവുകള് ഉണ്ടായിരിക്കില്ല.